డ్రెస్సింగ్ రూం అందంగా..ఆకర్షణీయంగా కనబడాలంటే......!?

Decor

oi-Saraswathi

By Sindhu

Published: Friday, April 6, 2012, 18:06 [IST]

ప్రతి ఇంట్లో గదులను డెకరేట్ చేయాలంటే ప్రతి గది వేటికవే అందాన్నిస్తాయి. ముఖ్యంగా అన్ని గదులకంటే లివింగ్ రూమే ఎక్కువ అందంగా ఆకర్షనీయంగా కనిపిస్తుంటుంది. కనబడేలా అలంకరిస్తుంటారు. కొంతమంది ఇంటి అలంకరణ విషయంలో లివింగ్ రూం వరకూ చక్కగా అలంకరించుకొని మిగిలిన గదులన్నీటిని ఉదా: పడక గది, వంటగది, డ్రాయింగ్ రూం, డైనింగ్ రూం గెస్ట్ రూంలపై నిర్లక్ష్యం చేస్తుంటారు. అయితే వీటన్నింటికీ కూడా కరెక్ట్ అయినటువంటి డిజైనింగ్ పరికరాలు కావాల్సిందే..

ముఖ్యంగా డ్రెస్సింగ్ రూం అలంకరణ మీ వ్యక్తిత్వాన్ని, అందాన్ని తెలియజేస్తుంది. మీకు కావాల్సిన రీతిలో రూపొందించుకోవడానికి ఇంటీరియర్ డిజైనర్ చేత తయారు చేయించుకోవచ్చు. డ్రెస్సింగ్ రూం కు ముఖ్యంగా కావాల్సిన కొన్ని ఉపకారణాలు మీకోసం...
1. పర్ ఫెక్ట్ లైటింగ్: డ్రెస్పింగ్ రూం లో ముఖ్యంగా ఉండాల్సింది కరెక్ట్ లైటింగ్ డిజైన్. డ్రెస్సింగ్ రూంలో లైటింగ్ బ్రైట్ గా ఉండేలా చూసుకోవాలి. అప్పుడే అలంకరించుకొన్నప్పుడు అందంగా అలంకరించుకొన్నారా లేదా అన్నవిషయం తెలుస్తుంది. వైట్ సీలింగ్ లైట్స్, మిర్రర్ లైట్స్, చిన్న లెడ్ లైట్స్ ఉండేలా జాగ్రత్తలు తీసుకోవాలి.
2. ఫర్నీచర్: మాడ్రెన్ డిజైన్ రూం అందంగా కనిపించాలంటే ఆకర్షించే ఫర్నీచర్ కూడా ఉండాలి. దాంతో ఆహ్లాదకరమైన వాతవరణం ఏర్పడుతుంది. డ్రెస్సింగ్ చేసుకోవడానికి ఇష్టపడుతారు. ఎలా అంటే ముఖ్యంగా డ్రెస్సింగ్ రూంలో అమర్చే పొడవాటి అద్దాలు వివిధ, డిజైన్లు, ఆకారాల్లో ఉంటే ఆకర్షణగా ఉంటాయి. డ్రెస్పింగ్ రూంలో అలంకరణకు ఉపయోగపడే చైయిర్స్ . కూర్చొని అలంకరించుకొనే చెయిర్స్ కూడా మాడ్రెన్ గా ఉండేలా చూసుకోవాలి. ఇంకా డ్రెస్సింగ్ రూంలో కలర్ ఫుల్ పిల్లోస్, కుషన్లు కూడా పెట్టి అలంకరించుకోవచ్చు.
3. వార్డ్ రోబ్ : డ్రెస్పింగ్ రూంలో ఉండాల్సిన మరొక ముఖ్యమైనటువంటి అలంకరణ వస్తువు వార్డ్ రోబ్. అలంకరించుకొనే వస్తువులు, దుస్తులు దాచుకోవడానికి వార్డ్ రోబ్ అవసరం. దీనివల్ల వాటివాటి ప్లేస్ లో సర్దుకోవడం వల్ల చూడటానికి చక్కగా కనిపిస్తుంది.
4. ఫ్లోరింగ్ అండ్ డ్రెస్పింగ్ కలర్: డ్రెస్పింగ్ రూం మరింత అందంగా కనిపించాలంటే ఫ్లోరింగ్ అదిరిపోవాల్సిందే. సిరామిక్స్ టైల్స్, లామినేటెడ్ ప్లోరింగ్ కాంక్రీట్ ప్లోరింగ్ తో ఆగదికి మరింత ఆకర్షణ చోటు చేసుకుంటుంది. అంతే కాదు ఇవి అమర్చుకోవడం వల్ల శుభ్రం చేయడానికి సులభమైతుంది.
5. వాల్ కలర్స్: డ్రెస్పింగ్ రూం కి వాల్ కలర్స్ నేచర్ కలర్స్ బాగు నప్పుతాయి. నేచ్యురల్ కలర్ వాల్ పేపర్స్ ను అమర్చుకొంటే చాలా అందంగా..ఆకర్షణీయంగా ఉంటుంది...
6. ఇంట్లో హెయిర్‌ పిన్నులు, కాటన్‌ బాల్స్‌, మానిక్యూర్‌ సామాగ్రి... తదితర వస్తువులను చక్కటి గాజు పాత్రల్లో వేసి ఉంచితే చూసేందుకు ఆకర్షణీయంగా ఉంటాయి. గాజు పాత్రల్లో ఉంచటం వల్ల అవి స్పష్టంగా కనిపిస్తాయి. వెతుక్కోవాల్సిన అవసరం ఉండదు. వీటిని డ్రెస్సింగ్‌ రూం పక్కగానో, లేదా కప్‌బోర్డ్‌లోనూ సర్దుకోవచ్చు, షాంపూలు, సబ్బులు లాంటివి కూడా బాత్రూంలో ఇలాగే గాజు పాత్రలో పెట్టుకుంటే మంచిది. ఇకపోతే పరిమళాలను వెదజల్లే క్రొవ్వొత్తులు, ఎయిర్‌ స్ప్రేలు మీ మీ అభిరుచులకు తగినట్లుగా ఎంచుకుని రూంలలో వాడటం మంచిది.