మనస్సును ఆహ్లాదపరిచే ఫ్లోటింగ్ ఫ్లవర్స్

Decor

oi-Saraswathi

By Sindhu

Published: Tuesday, February 7, 2012, 15:52 [IST]

ఇంటి సౌందర్యానికి అలంకరణకు, స్త్రీ యొక్క పాత్ర ప్రధానంగా ఉంటుండి. స్త్రీ తను ఎంత సౌందర్యంగా అలంకరించుకుంటుందో, ఇంటికి సంబంధించినంత వరకూ కూడా అంతే శ్రద్దగా అలంకరించుకుంటుంది. అందుకే వారికోసం మార్కెట్లో రకరకాలుగా ఎన్నో ఉత్పత్తులు వస్తుంటాయి. అలాంటివే ఈ ఫ్లోటింగ్‌ కేండిల్స్‌, ఫ్లోటింగ్‌ ఫ్లవర్స్‌. ఈ ఫ్లోటింగ్ ఫ్లవర్స్ నీటిలో వాటి ప్రతిభింబాలు చూపించవు. అందానికి...సౌందార్యానికి స్టైల్ కి ఇవి ప్రతి రూపాలు.

ఈ మధ్యకాలంలో అక్కడక్కడా ఫంక్షన్లలో పెళ్లిళ్లలో, పెద్ద పెద్ద ధనవంతుల ఇల్లలో ఎక్కువగా ఇలా పూలను అలంకరించిన పెద్ద పెద్ద ఫైబర్, ఇత్తడి, రాగి, ప్లాస్టిక్ తొట్టెలు చూస్తుంటాం. మరి మన నిత్య జీవితంలో మన ఇల్లలో కూడా ఇలా ఏర్పాటు చేసుకోవచ్చు. అయితే ఇళ్లలో అంత పెద్దగా పెట్టుకోవడం సాద్యం కాదు కనుక చిన్నె గిన్నెల్లో, రాగి, ఇత్తడి పల్లెంలో అలాగే అందంగా అలంకరించుకోవచ్చు.

ఫైబర్, గాజు, ఇత్తడి, రాగి బౌల్స్, లేదా కంట్లం ఉన్న తట్టలు నిండా నీటిని నింపి దాన్లో తాజా పూలనుంచి హాల్లో మద్యలో టీపాయ్ మీద లేదా ఇంట్లో ఓ కార్నర్ లోనో, లేదా పూజగది ముందరో ఉంచడం వల్ల ఆ ప్రదేశానికి అందం వస్తుంది. అయితే ఇక్కడ ఓ చిన్న చిక్కు వుంది. అదేంటంటే రోజు తాజా పువ్వులను అలంకరించి తీసేస్తే సరి లేదంటే అవి అప్పటికప్పుడు మంచి సువాసనలు వెదజల్లుతూ అందంగా అనిపించినా తర్వాత కొన్ని గంటల్లోనే వాడిపోతాయి.

అలా కాకుండా ఉండాలంటే కృత్రిమమైన తేలియాడే పువ్వులను పెట్టుకొంటే సరి‌. హాలు మధ్యలో నీటిలో తేలియాడుతున్న ఈ పూలను చూస్తే కంటికి, మనసుకూ ఆహ్లాదం చేకూరుతుంది. మనస్సు బాగో లేనప్పుడు ఇలాంటి సహజమైనటు వంటి మార్పులతో మనస్సు కుదుట పడటమే కాకుండా కొంత సేపు ప్రశాంతత చేకూరుతుంది. అందుకు కారణం పూలకూ, స్త్రీలకూ వున్న గాఢమైన అనుబంధం. కృత్రిమంగా దొరికే పువ్వుల రకరకాలుగా చూడముచ్చటైన రంగుల్లో... అంతకంటే అందమైన ఆకృతుల్లో లభ్యమవుతున్నాయి. ఇందులో గులాబీలు, తామరపువ్వులు, ముద్ద మందారం, గన్నేరు పువ్వులు ఇలా .. ఎంపిక చేసుకోవాలేగానీ మీ అభిరుచికి తగ్గట్లు మీ ఇల్లును బృందావనం చేసుకోవడమే. ఇలాంటి వాటిని బర్త్ డే, పెళ్ళికి, ప్రేమికుల రోజుకి బహుమతిగా కూడా ఇవ్వవచ్చు...