అపార్ట్ మెంట్ అయినప్పటికి... పూల వానలే!

1. ఆఫ్రికన్ వయోలెట్స్ - ఇంటిలోని పూల తోటకు అనువైన మొక్క ఇది. ఈ మొక్కలు బాగా ఎత్తు ఎదగవు. ఈ మొక్కకు సూర్యరశ్మి కావాలి కాని అది మరీ నేరుగా వుండనవసరం లేదు. కిటికీ నీడలో పెట్టినా లేక కర్టెన్ నీడలో పెట్టినా సరే అది పెరుగుతుంది. ఈ మొక్కకు తేమ బాగా వుండాలి. రోజుకు రెండు సార్లు నీరు పోయాలి.

2. ఆర్చిడ్స్ - ఈ మొక్కలు ఇంటిలోపల పెరగటానికి కొంచెం శ్రమించాలి. వీటిలో అనేక రకాలుంటాయి. తక్కువ సూర్యరశ్మితోను, మట్టి లేకుండాను పెరిగే జాతిని ఎంపిక చేయండి. అవి పూలు బాగా పూస్తాయి. వీటికి కూడా డైరెక్ట్ సూర్యరశ్మి అవసరం లేదు.

3. మందార - ఎపుడూ పూలనిస్తుంది. ఎండ అధికంగా కావాలి. పురుగులనుండి రక్షించాలి. ఎప్పటికపుడు మొక్కను చక్కగా కత్తిరిస్తూ సమయానికి నీరు పెడుతూ వుంటే పూలను బాగా ఇస్తుంది.

4. బెగోనియా - ఇది పాకే మొక్క. ఈ మొక్క ఎటువంటి పరిస్ధితులలోనైనా పెరుగుతుంది. కావలసినన్ని పూలనివ్వటమే కాక ఈ మొక్క పచ్చదనాన్ని కూడా బాగా ఇస్తుంది.

పై చిట్కాలు పాటించి మీ అందమైన అపార్ట్మెంట్ గార్డెన్ లో పూల వానలు కురిపించండి.