పూదోట విరబూయాలంటే.... !

అయితే, పూలనిచ్చే మొక్కలకు ప్రతిరోజూ నీరుతోబాటు సూర్యరశ్మి కూడా అధికంగా వుంటే పూవులు బాగా పూస్తాయి. పూలమొక్కల కుండీలు ఇంటిలో వున్నప్పటికి, మధ్యాహ్నం వేళ కొద్ది సేపు ఇంటి ఆవరణలో ఎండ తగిలేలా ఏర్పాటు చేయండి. కొన్ని మొక్కలకు ఎండ తగలకపోయినప్పటికి నీడలో కూడా అవి పెరిగి పచ్చగా ఇంటికి అందాన్నిస్తాయి. వీటికి ప్రతిరోజూ నీరు, తగినన్ని ఎరువులు ఎప్పటికపుడు వేస్తూండాలి. వాడిన ఆకులను కత్తిరించి ట్రిమ్మింగ్ చేస్తూ వుండాలి.

మొక్కలు పెంచే ముందు, వాటికి అవసరమైన పరిస్ధితులను ముందుగా తెలుసుకుంటే, వాటి ఎదుగుదలను బట్టి కుండీలలో పెంచాలా లేక ఇంటి ఆవరణలోని మట్టిలో పెంచాలా అనేది నిర్ణయించుకోవచ్చు. సాధారణంగా రెండు నుండి మూడు లేదా నాలుగు అడుగుల వరకు వున్న మొక్కలను మీడియం సైజు మట్టి లేదా నేడు మార్కెట్ లో లభిస్తున్న ప్లాస్టిక్ కుండీలలో పెంచవచ్చు. మొక్క పెట్టిన కుండీ ప్లాస్టిక్ లేదా మట్టి ఏది అయినప్పటికి వాటికి పోసిన నీటిలో అధికంగా వున్న నీరు బయటకుపోయేలా కుండీ అడుగున రంధ్రం చేయండి. కుండీ కింద నీరు చేరేటందుకు మరో ప్లేటు వంటిది పెడితే ఇల్లు పాడవకుండా వుంటుంది.