తేలికగా పెరిగే పూజా పూలు!

బంతి పువ్వు: ఇంటి గార్డెన్ లో పెంచటానికి అనువైనది. ఏ రకమైన నేల అయినా పెరుగుతుంది. విత్తనాలు చల్లితే చాలు మొక్క వచ్చేస్తుంది. మొక్క రెండు అంగుళాలకు రాగానే తీసి విడివిడిగా పెట్టడి. ఎండు ఆకులు తుంచేయండి. రోజు విడిచి రోజు నీరు పెట్టండి. సూర్యరశ్మి అధికంగా వుండాలి.

చైనా రోస్: ఈ మొక్కను అంటుకట్టటం ద్వారా పెంచవచ్చు. రంగులు కంటికి ఇంపుగా వుంటాయి. లేటుగా అంటే కనీసం 6 నెలలు దాటితే గాని ఈ మొక్క పూలనివ్వదు. ప్రతి దినం నీరు పెట్టాలి. సూర్య రశ్మి అధికంగా వున్న ప్రదేశంలో పెట్టండి. కొమ్మలు విస్తరిస్తుంటే వాటిని కట్ చేసి ట్రిమ్మింగ్ చేయండి. చూడటానికి చెట్టు బాగుంటుంది.

గులాబి చెట్టు: ఈ మొక్కను చిన్నపాటి కుండీలలో కూడా పెంచవచ్చు. అవసరమనుకుంటే ఇంటిలోపలకూడా అలంకరణలకు ఈ కుండీలను ఉపయోగించవచ్చు. వేసవి కాలమంతా చక్కటి పూలను ఈ మొక్కలు వివిధ రంగులలో అందిస్తాయి. ప్రతిదినం నీరు పెట్టాలి. సూర్యరశ్మి ఈ మొక్కలకు పాక్షికంగా తగిలితే చాలు.

పూజకు పనికివచ్చే ఈ పూలను మీ ఇంటి గార్డెన్ లో పెంచి అవసరానికి, ఆహ్లాదానికి వాడుకోవచ్చు. ఈ మొక్కలను పెంచటానికి అధికంగా శ్రమపడాల్సిన పనిలేదు.