అద్భుత వైద్యాలు! దీనికే సాధ్యం!

Gardening

oi-Nageswara

By B N Sharma

Published: Tuesday, October 4, 2011, 8:46 [IST]

జాస్మిన్ పూలు మంచి వాసనలనివ్వటమే కాదు వైద్యానికి కూడా పనికివస్తాయి. జాస్మిన్ పూల చెట్టు కుండీలు లేదా నేలలోను కూడా పెంచవచ్చు. ఈ చెట్టు గోడలపైనా లేదా ఇంటిపైకి పాకిస్తే ఇంటికి మంచి అలంకరణ వస్తుంది. ఈ చెట్టును మన ఇంటి గార్డెన్ లో ఎలా పెంచాలో చూద్దాం. జాస్మిన్ లలో రకాలు - పూలు వివిధ రకాలుగా వుంటాయి. కనుక అసలు కావలసిన వెరైటీ ఏదో ముందుగా ఎంచుకోవాలి. స్టార్ జాస్మిన్ అయితే అతి తక్కువ నీటితోనే ఎదుగుతుంది. కనుక ఉద్యోగస్తులైవుండి గార్డెనింగ్ చేయాలనుకునేవారికి ఈ వెరైటీ మొక్క పెంచటానికి బాగుంటుంది.

ఎక్కడ పెంచాలి? జాస్మిన్ చెట్టు పెట్టాలంటే ముందు సరైన స్ధలాన్ని ఎంచుకోవాలి. ఈ మొక్కకు సూర్యరశ్మి అధికంగా వుండాలి. ఇది బాగా విస్తరిస్తుంది కనుక కొద్దిపాటి అధికమైన స్ధలమే కావాలి. ఎలా పాతాలి? కనీసం 6 అంగుళాల లోతు గొయ్యి తవ్వండి. మొక్కను పాతండి. కొద్దిపాటి ఎరువు, నీరు పెట్టండి. మన్ను కనుక సారవంతమైనది కాకుంటే, ఒక పొర ఎరువు మొక్కను పెట్టిన తర్వాత వేయండి. నీరు ఎలా పెట్టాలి? జాస్మిన్ లకు నీరు రాత్రిపూట పెట్టడం మంచిది. మొక్క ఎదుగుదల ఒక దశకు వచ్చిన తర్వాత నీరు రోజు విడిచి రోజు పెట్టవచ్చు. నేల ఎపుడూ తేమగా వుండాలనేది గుర్తుంచుకోండి.

జాస్మిన్ మొక్కకు ఎప్పటికపుడు ఎండిన కొమ్మలను, ఆకులను, తుంచి వేస్తుండాలి. పూలు, ఆకులు వాడి కిందపడినప్పటికి అవి మొక్కకు మంచి ఎరువుగా కూడా ఉపయోగిస్తాయి. మొక్క పరిసరాలలో వున్న పిచ్చి మొక్కలను తొలగించండి. ఇక ఆ స్ధలంలో వున్న మన్ను, నీరు ఇతర ఎరువులు మొదలైనవి జాస్మిన్ కే అంది అది చక్కటి పూలను మీకు అందిస్తుంది.