గార్డెన్ అందానికే కాదు...ఐశ్వర్యానికి కూడా!

Gardening

oi-Nageswara

By B N Sharma

Published: Wednesday, October 12, 2011, 15:04 [IST]

ఇంటి పెరటిలో అందమైన గార్డెన్ వున్నవారికి దానిలో ఫెంగ్ షూయి వాస్తు ఏర్పాట్లు కూడా చేయటానికి మంచి అవకాశం వుంటుంది. ఫెంగ్ షూయి సిద్ధాంతాలతో మీ ఇంటిలోపల ఎలా అమరిక చేశారో అదేవిధంగా గార్డెన్ లో కూడా చేయాలి. మీరు ఒక అపార్టుమెంట్ లో వున్నా సరే చిన్నపాటి మొక్కలతో కొద్దిపాటి లైటింగ్, ఒక ఫౌంటెన్ లేదా ఒక రాక్ లతో చక్కటి గార్డెన్ ఏర్పాటు చేసుకోవచ్చు. గార్డెన్ ఏర్పరచేముందు దానికి సరైన సరిహద్దులు సమంగా ఏర్పరచండి. ప్రత్యేకించి దాని ఈ శాన్య భాగం కొద్దిపాటిగా విస్తరించేలా చూడండి. గార్డెన్ సరైన ఆకారంలో లేకుంటే దానిని చతురస్రాకారంలోకి తీర్చి దిద్దండి. మొక్కలు ఎదుగుదలను సూచిస్తాయి. మన ఇంటికిగల దుష్ట ప్రభావాన్ని అణచివేస్తాయి. చెడు శక్తితో పోరాడతాయి.

ఉత్తర దిశగా వుండే పూవులు అయిశ్వర్యానికి సంకేతం. వాయువ్యంలో మీ సోషల్ లైఫ్, నైరుతిలో మీ కుటుంబ సంక్షేమం, ఆగ్నేయంలో మీ అభిరుచులు, రొమాన్స్, తూర్పు దిక్కున మీ వారసత్వం సూచిస్తాయి. నైరుతి దిశలో ఎత్తైన చెట్లు వేయండి, సూర్యుడినుండి వచ్చే ఇన్ఫ్రారెడ్ కిరణాలను అడ్డుకుంటాయి. మీ తోటలో వేసే చెట్ల సంఖ్య సరి సంఖ్యగా లేదా సున్నా వచ్చే సంఖ్యగా వుండరాదు. ప్రవేశ ద్వారం దగ్గరగా ఏ రకమైన చెట్టు పెంచకండి. దానిమ్మ, రేగు, ఆరెంజి మొదలైనవి కుటుంబ సభ్యులకు అదృష్టాన్ని తెచ్చి పెడతాయి.

ఈశాన్య మూలలో చిన్న కొలను వుంటే ఐశ్వర్యం వస్తుంది. గార్డెన్ లోని ఈ స్ధలంలో పొడవైన చెట్లు వుండరాదు. తూర్పు లేదా ఉత్తర దిశగా వున్న కాంపౌండ్ గోడలపైకి మొక్కలను పాకించకండి. ఆగ్నేయంలోను, పడమరలోను నీటి పంపులు వుంచకండి. బరువైన రాళ్ళు గార్డెన్ లో వుంచాలనుకుంటే వాటిని నైరుతిలో మాత్రమే వుంచండి. చివరగా మీ గార్డెన్ లో ఎండిన, కుళ్ళిన, లేదా చనిపోయిన, వాడిన మొక్కలను ఎప్పటికపుడు తీసివేయండి. ఈ రకం మొక్కలు నెగెటివ్ ఎనర్జీని ఏర్పరుస్తాయి.