పరిశుభ్రమైన గాలితో అబ్బురపరచే ఆరోగ్యం!

Gardening

oi-Nageswara

By B N Sharma

Published: Friday, October 21, 2011, 7:59 [IST]

కొన్ని మొక్కలు గాలిలోని కార్బన్ డై ఆక్సైడ్ ను పీల్చటమే కాదు. గాలిలోని మలినాలను విషవాయువులను కూడా పీల్చి పరిశుభ్రం చేస్తాయి. వీటిని ఇండోర్ మొక్కలుగా పెంచుకుంటే ఆరోగ్యం బాగుంటుందని నిపుణులు చెపుతున్నారు. మీరు ఇప్పటికే ఇండోర్ గార్డెన్ నిర్వహిస్తున్నట్లయితే, తక్షణమే వీటికి మీ ఇంట్లో స్ధానం కల్పించి కాలుష్యం లేని చక్కటి గాలితో ఆరోగ్యాన్ని పొందండి.

గాలిని శుభ్రపరచే మొక్కలు -

1. పామ్ ప్లాంట్స్ - వీటిని సాధారణంగా మనం కుండీలలో పెంచవచ్చు. బయట అనేక స్ధలాలలో కనపడుతూనే వుంటాయి. సన్నని ఆకులు కలిగి పొడవుగా ఎదుగుతాయి. వీటిలో లేడీ పామ్, డ్వార్ఫ్ పామ్, బాంబూ పామ్ అనే రకాలున్నాయి. ఏ రకమైనప్పటికి మంచిదే.

2. రబ్బరు ప్లాంట్ - పొట్టిగా వుంటుంది. కుండీలలో పెంచవచ్చు. దీనినుండి జిగురు తీస్తారు. మలినాలను తీసేయాలంటే మంచి మొక్క. ఆకులు మందంగా వుండి దట్టమైన పచ్చని రంగులో వుంటాయి. అయితే దీని ఆకులే విషపూరితాలు కనుక జాగ్రత్త పడాలి. పిల్లలకు, పెంపుడు జంతువులకు అందుబాటులో వుండరాదు.

3. డ్రాసియానా - దీనినే జేనెట్ క్రెయిగ్ అని కూడా అంటారు. అనేక షేపులలో లభిస్తుంది. గుబురుగా పెరుగుతుంది. దీనిని కూడా కుండీలలో పెంచవచ్చు.

4. ఇంగ్లీష్ ఐవీ - మీరు ఆస్తమా రోగులైతే ఈ మొక్కను తప్పక పెంచాలి. ఇది కూడా విషపూరితమైన మొక్క. అలర్జీలు వున్న వారికి కూడా ఈ మొక్క ఇంటిలో వుంటే చాలు స్వస్ధత చేకూరుతుంది.

5. బోస్టన్ ఫెర్న్ - చాలా పేరొందిన మొక్క. ఎక్కడపడితే అక్కడ దొరుకుతుంది. ఇది ఇంటిలో వున్నదంటే చాలు ఆరోగ్యం సభ్యులందరకూ చేకూరినట్లే.

ప్రత్యేకమైన ఈ ఇండోర్ మొక్కలను పెంచి మీ ఇంటి పరిసరాలను పరిశుభ్రమైన గాలితో నింపి ఆరోగ్యాన్ని పొందండి.