మొదటి సారి మొక్కలను పెంచుకోవాలనుకుంటున్నారా..?

మొదటిసారిగా పెంచుకొనే మొక్కలు కాక్టేస్ లాంటి రకాలను సెలక్ట్ చేసుకోవడం మంచిది. ఈరకానికి చెందిన మొక్కలను పెంచకోవడం చాలా సులభతరం. అలాగే వీటికి సేంద్రియ ఎరువులు, రసాయనాలు వంటి వాటిని వాడనవసరం లేదు. వీటిని ఎక్కువగా గృహఅలంకరణ కోసం పెంచుకుంటారు.

కాక్టై అసాధారణమైన మొక్కలు. ఇవి తేమలేని ఎడారి భూములలో జీవించడానికి అనుగుణంగా తమ నిర్మాణాన్ని మార్చుకొని నీరు లేని ప్రాంతాలలో పెరుగుతాయి. వీని కాండాలు రసభరితంగా మారి, పత్రహరితం కలిగివుంటాయి. ఆకులు ముళ్ళుగా మార్పుచెంది బాష్పోత్సేకాన్ని తగ్గించుకుంటాయి.

కాక్టస్ మెక్కలను ఎరువులు అవసరం లేకపోయినా వాటిలో మెగ్రీషియం, సల్ఫేట్ పోషకాలు అందేలా అరకప్పు నీటిలో ఎప్పంసాల్ట్ ను కలపి మొక్కలకు చల్లటం ద్వారా ఆరోగ్యంగా పెరుగుతాయి. అలాగే ఎక్వేరియం శుభ్రపరిచినప్పుడు ఆ నీటిని పోసినా కూడా అందులోని నైట్రోజన్, ఇతర పోషకాలు మొక్కలను ఆరోగ్యంగా పెంచేలా చేస్తాయి.

ఈ జాతి మొక్కలకు ప్రతిరోజూ నీళ్లు పోయాల్సిన పని ఉండదు. రెండు రోజులకొకసారి తగినన్ని నీళ్లు పెట్టి పదినిమిషాలు ఆగాలి. ఆ తరువాత కుండీలో ఇంకా నీరు ఉన్నట్లయితే తొలగించాలి. ఇలా చేసినట్లయితే మొక్కలు కుళ్లిపోయే అవకాశం ఉండదు. ఎండిపోయిన ఆకులు, పువ్వులు అప్పుడప్పుడూ తొలగిస్తుండాలి. ఇలా చేయడం వల్ల మొక్కలు ఆరోగ్యంగా పెరుగుతాయి.

కాక్టస్‌ జాతి మొక్కలు కూడా ఇంటికి దగ్గరగా నాటకూడదు. ముళ్లు కలిగిన మొక్కలు వ్యతిరేక ఫలితాలను కలిగించడంలో ముందుంటాయి. అందుకే వీటిని నాటుకోకపోవడమే మంచిది. ఒకవేళ వాటిని పెంచుకోవాలంటే ఇంటికి కాస్త దూరంగా ప్రత్యేక ప్రాంతాన్ని ఎంచుకుని అక్కడ పెంచుకోవాలి.