కిచెన్ గార్డెన్ లో ఓకేచోట పెరగని రెండు మొక్కలు...

Gardening

oi-Saraswathi

By Sindhu

Published: Thursday, February 9, 2012, 16:08 [IST]

ఇంట్లో గార్డెన్ పెంచుకోవాలనే అభిరుచి, ఆసక్తి ఉంటే చాలు. పెరటి తోట కావచ్చు, టైపైన లేదా కుండీల్లో కిచెన్ గార్డెన్ కావచ్చు.. పెంచే వారి అభిరుచి, ఇష్టాఇష్టాలను బట్టి వారి కిచెన్ గార్డెన్ తీరుతెన్నులుంటాయి. ఒకరికి ఇష్టమైన కూరగాయలు, ఆకుకూరలు మరొకరికి ఇష్టం ఉండవు. అయితే, మనకు ఇష్టం ఉన్నా లేకపోయినా కూరగాయ మొక్కలన్నీ కలసి పెరగవు. ఏవేవి కలసి పెరగడానికి అవకాశం ఉందో, ఏవేవి కలసి పెరగవో తెలుసుకోవడం ఆసక్తికరంగా ఉంటుంది. పెరటి తోటల పెంచుకునే ముందు కొన్ని విషయాలు తెలుసుకోవడం అవసరం.

కొన్ని మొక్కలను ప్రత్యేకంగా విడిగా ట్రేల్లో, నేలమీద మడుల్లో, కుండీల్లో నాటినా.. మరికొన్ని మొక్కలను, ఇతర మొక్కలకు దగ్గరలోనో లేదా అదే కుండీలోనో కలిపి నాటుకోవచ్చు. కానీ అన్ని రకాల మొక్కలు కలిసి పెరగవు. మొక్కలు కలిపి నాటేటప్పుడు వాటి కాపు సమయం వేరు వేరుగా ఉండేవి నాటాలి. అప్పుడు నేలలోని పోషకాల కోసం పోటీ అంత ఎక్కువగా ఉండదు. కలిసి పెరగలేని మొక్కలను ఒకే కుండీలో కలిపి పెంచకూడదు.

పెరట్లోగాని, మేడమీద గాని, నేలమీద కానీ కూరగాయల మొక్కలు సాగుచేస్తున్నప్పుడు కూడా కలిసి పెరిగే మొక్కలే పక్క పక్కన వచ్చేలా చూసుకోవడం మంచిది. కలిసి పెరగలేని మొక్కలను ఒకే చోట నాటాల్సి వస్తే.. వాటి మధ్య దూరం, వాటి వేళ్లు కలవనంత దూరంలో నాటుకోవడం ఉత్తమం. సాధారణంగా మొక్క కొమ్మలు ఎంత స్థలంలో విస్తరిస్తాయో.. నేలలో వాటి వేళ్లు కూడా అంతమేరకు విస్తరిస్తాయి. పక్కపక్కనే నాటుకునే మొక్కల ఎంపిక విషయంలో తగినటువంటి జాగ్రత్తలు తీసుకొన్లైతే పెరటి తోటల్లో, టై గార్డెన్లలో కూర గాయల ఎక్కువగా పండించవచ్చు.

మొక్కల పెంపకం హాబీ పిల్లలను ఆకర్షిస్తుంది. ఇతరులతో పోలిస్తే గార్డెన్ ఉన్న ఇంట్లో పిల్లల్లో చురుకుదనం ఎక్కువ. వాడేసిన టీ కాఫీ పొడులు, కోడిగుడ్డు పెంకులు, ఇంకా ఇతర వ్యర్థాలు మొక్కలకు ఎలా ఉపయోగపడతాయో తెలుసుకోండి. అరుదైన పూల మొక్కలు పెంచితే మీ ప్రత్యేకత పెరుగుతుంది. ఔషధ ప్లాంట్లు మాత్రమే పెంచితే హాబీ, ఆరోగ్యం, అమ్మితే లాభం కూడా. కాస్త ఎక్కువ స్థలం ఉంటే ఇది సాధ్యం.