కొయవచ్చు..తినవచ్చు.. అమ్మవచ్చు.. పెంపకం ఎంతో తేలిక

కొబ్బరి చెట్లను పెంచుకోవడం వల్ల అన్ని భాగాలు ఉపయోగపడేవే. కొబ్బరినూనె, కొబ్బరి నీళ్ళు, పాలలో గల సుగుణాలన్నీ ఆరోగ్యాన్ని పరిరక్షించడంలో బాగో దోహదపడుతాయి. కొబ్బరి కాయల నుంచి అనేక వాణిజ్య ఉత్పత్తులు మార్కెట్‌లోకి వచ్చాయి. ఎండు కొబ్బరి, కొబ్బరి నూనెలతో పాటూ కొబ్బరి పాల పొడి, వెనిగర్‌, చిప్స్‌, నీటి కాయల నుంచి కొకొజెల్‌, మార్కెట్‌లోకి వచ్చాయి. కొబ్బరి కాయల పెంకులు సైతం కాల్చి ఆక్టివేటడ్‌ కార్బన్‌ తయారీ, పెంకుల పొడిని, పెంకులపై చెక్కిన వివిధ కళారూపాలను మార్కెట్‌లో తయారు చేసేందుకు ఉపయోగపడుతున్నాయి. కొబ్బరి పీచు, పీచు నుంచి రాలే పొడికి అంతర్జాతీయ గిరాకీ ఏర్పడింది. కొబ్బరి పీచు నుంచి రకరకాల గృహోపకరణాలు లభిస్తున్నాయి. గృహ నిర్మాణంలో కొబ్బరి కాండం, ఆకులు వినియోగపడుతున్నాయి. ఇన్ని లాభాలున్న కొబ్బరి చెట్లు ఇంటిదగ్గర పెంచుకోవడం చాలా ఉపయోగకరం.

అదనంగా సంపాదించాలని అందరికీ వుంటుంది. ఏదో చేయాలను కొంటారు. కాని అందుబాటులో వుండే సదుపాయలతో కూడా కొంతమంది ఏమీ చేయలేకపోయామనుకొంటుంటారు. ఇంటి ముందు కొంచెమయినా చోటు వుంటేచాలు ఏ మొక్కలైనా పెంచుకోవచ్చు. కూరగాయలు పండించలేనివాళ్లు. రెండు కొబ్బరి మొలకలు నాటుకోవచ్చు. చెట్టు పెరగడానికి సమయం పట్టినా చెట్టు పెరిగి పెద్దదైతే తొందరగా కాపుకొస్తాయి. కొబ్బరి చెట్టు బాగా కాయాలంటే నీళ్ళు బాగా వుండాలి. చెట్టు మొదలు తడి ఆరకుండా చూసుకోవాలి.

మనం వాడుకునే నీళ్ళు చెట్టుకు అందేటట్టు చేసుకుంటే చాలు. ప్రతీరోజూ ఉపయోగించే నీళ్ళు చెట్టుకు అందేలా చేయాలంటే చెట్టుకూ చెట్టూ నడుమా ఒక గుంట తీయాలి. గుంటను ఒక బండతో కప్పివేయాలి. మనం వాడిన నీళ్ళు ఈ గుంటలో పడేటట్టు చేయాలి. ఎండాకాలం కూడా గుంటలో తడి ఆరదు.చెట్టు తొందరగా పెరుగుంది. చెట్టుమొదలు దగ్గర కూరలు, ఊరగాయల వంటివి పడవేయకూడదు. ఒక కొబ్బరి చెట్టు సుమారుగా కాపు పడితే ఆదాయంతో పాటు, చక్కటి ఆరోగ్యం లభిస్తుంది. ఇంత కంటే సులభమైన పెంపకం మరొకటి ఉండదు.