రోజా మొక్కలు పెంచుకోవాలనుకుంటున్నారా...?

Gardening

oi-Saraswathi

By Sindhu

Published: Thursday, January 26, 2012, 15:02 [IST]

మానవులంతా పువ్వుల్ని ప్రేమించేవారే. ప్రతి పువ్వుకీ మనషి మనసుని నిర్మలం చేసే ప్రభావం ఉంది. ముఖ్యంగా వత్తిడికి గురయినవాళ్ళు కాసేపు నిండుగా వికసించిన పువ్వుల్ని తదేకంగా చూస్తే వత్తిడి తగ్గి, మనసు ప్రశాంతం అవుతుంది. ఏ రకమైన బాధలు, కష్టాలు ఉన్నప్పటికీ తగిన పరిష్కారం మీ ఇంట్లో పెంచే మొక్కలే చూపుతాయి. కొన్ని రకాల మొక్కలను మీ ఇంట్లో పెంచుకున్నట్లయితే.. ఇక ముందు మీరు మరింత మానసికోల్లాసం తో జీవిస్తారు. రకరకాల మొక్కలను ఇంట్లో పెంచు కున్నట్టయితే మీ కష్టాలు తొలగిపోయి జీవితంలో సంతోషం కలుగుతుంది.

గులాబీ మొక్కలు చాలా వరకూ తోటల్లోను, ఇళ్ళ ఆవరణలోను అందంగా పెంచుకోడానికి ఉపయోగపడతాయి. ఈ గులాబీలు సెంటు తయారీలో చాలా భాగం వినియోగిస్తున్నారు. వీటితో తయారుచేసిన సెంట్లు, స్ప్రేలు, పౌడర్లు అంతర్జాతీయంగా వినియోగంలో ఉన్నాయి. అలాగే కేవలం గులాబీ పువ్వులతో చేసిన పుష్పగుచ్ఛాలకి చాలా గుర్తింపు ఉంది. గులాబీ పువ్వుల రేకులు, కాండం నుంచి గులాబీ నూనెని తయారు చేస్తారు. మనకి మార్కెట్లో దొరుకు తున్న రోజ్‌ వాటర్‌ వంటకాల్లో, సౌందర్య పోషణలో, వైద్య విధా నంలో, ఆధ్మాత్మిక రంగంలో చాలా ప్రముఖంగా వినియోగిస్తు న్నారు.

గులాబి చెట్టు: ఈ మొక్కను చిన్నపాటి కుండీలలో కూడా పెంచవచ్చు. అవసరమనుకుంటే ఇంటిలోపలకూడా అలంకరణలకు ఈ కుండీలను ఉపయోగించవచ్చు. వేసవి కాలమంతా చక్కటి పూలను ఈ మొక్కలు వివిధ రంగులలో అందిస్తాయి. ప్రతిదినం నీరు పెట్టాలి. సూర్యరశ్మి ఈ మొక్కలకు పాక్షికంగా తగిలితే చాలు.