బోన్సాయ్ మొక్కలను ఎలా పెంచాలి..?

మీరు నివసించే దరిదాపుల్లోనే కొనటం మంచిది, ఎందుకంటే వాతావరణ మార్పులు ఆ చెట్టు జీవనానికి అనుకూలించకపోవచ్చు. మీరు ఏ చెట్టుని బోన్సాయ్‌గా తయారుచేయాలనుకుంటున్నారో! ఆ చెట్టు రకాన్ని నెలనుంచి ఏడాదిలోపుమొక్కను తీసుకోండి. మొక్క మూలవేరును ఎక్కువ పెరగకుండా కోసివేస్తూ ఉండాలి. దీంతో చెట్టు సులభంగా పెరుగుతుంది. దాంతోపాటు చిన్నదిగానూ ఉంటుంది. సాధారణంగా బోన్సాయ్‌ను తక్కువ లోతుగల పళ్ళెలాంటి పూల కుండీల్లో వుంచుతారు. దీని వేర్లను ఎక్కువగా పెరగకుండా కత్తిరించివేస్తూ చెట్టును మరగుజ్జులా ఉంచేందుకు ప్రయత్నిస్తారు. వాటికి వేసే ఎరువులు, రసాయనాలను కూడా తెలుసుకొని వాడటం మంచిది. ఈ బోన్సాయ్ మొక్కలను పెంచడానికి మంచి కుంపటిని ఎన్నుకొని మొక్క వేర్లు పూర్తిగా పాట్ లోని ఎరువులోపలిగా ఇమిడేటట్లు చూసుకోవాలి. కుంపటికి క్రింది బాగంలో ఒకప్రక్క నీరు పోవడానికి రంద్రం ఉండేలా చూసుకోవాలి. లోమీ ఎరువు ఈ బోన్సాయ్ బాగా పెరిగేలా చేస్తుంది.

ఈ బోన్సాయ్ మొక్కలను చక్క పెరుగుతుంది కాబట్టి చక్కటి ఆకృతి కోసం చిన్న మొక్కప్పుడే మొక్కచుట్టూ ఏదైనా దారం, లేదా వైర్ చుట్టితే అదే ఆకారంలో చెట్టు పెరిగి చూడముచ్చటగా ఉంటుంది. ఈ మొక్కకు తగినంత నీరు, సూర్యరశ్మి అందేలా చూసుకోవాలి. ఈ మొక్కలను ఇంటిలోపల, ఇంటిబయట కూడా పెంచుకోచ్చు. ఏడాదికి ఒకసారి బోన్సాయ్ ఎండిన వేర్లను కోసి, కొత్త ఎరువును వేస్తూ ఉండాలి. ఎరువు రూపంలో వర్మీ కంపోస్టు, వేప విత్తనం, తెలగపిండి వేస్తారు. కుండీలో మొక్క మొదళ్ళు చుట్టూ గులకరాళ్ళను అమర్చినట్లైతే ఇవి నీటిని పీల్చుకొని మొక్క ఎప్పుడూ తేమగా ఉండేటట్లు చేస్తుంది. బోన్సాయ్ చెట్లలో అన్నిటికంటే ముఖ్యమైనది- దాన్ని తెంపడం, కత్తిరించడం, ఎల్లప్పుడూ పచ్చగా ఉండేలా చేయాలి. కాబట్టి మెయింటెనెన్స్ కూడా సులభమే, ఎక్కువ స్థలం ఆక్రమించని ఈ మొక్కను అపార్ట్ మెంట్లో ఇంటీరియర్ డెకరేషన్ గా కూడా సులభంగా పెంచుకోవచ్చు.