మొక్కల సంరక్షణ తక్కువ, ప్రయోజానాలు ఎక్కువ...

Gardening

oi-Saraswathi

By Sindhu

Published: Thursday, March 22, 2012, 15:42 [IST]

ఇంట్లో పెంచుకునే మొక్కలపై కొన్ని నవీన పద్దతులు ఉపయోగిస్తే మరింత అందంగా కనిపిస్తాయి. ఇంటి లోపల పెంచుకొనే మొక్కలకి కొన్ని అనుకూలమైన పరిస్థితులు కావాలి. సహజంగా వాతావరణ స్థితిగతులను బట్టి ఇంటిలోపలో ఏఏ మొక్కలు పెంచుకోవచ్చో ముందుగా తెలుసుకోవాలి. కిటికీ రెక్క తెరచినంత మేరా ప్రసరించే సూర్యరశ్మితో సరిపెట్టుకునే మొక్కలూ ఉన్నాయి. చూడ్డానికి ఫ్యాన్సీ మొక్కలుగా కనిపించే మనీప్లాంట్లు, క్రోటన్‌ తరహా, పలుచని ఆకులుండే మొక్కలు ఉంటే ఇంట్లోకి తగినంత ఆక్సిజన్‌ అంది గదులు చల్లగా ఉంటాయి. వంటింటి కిటికీల వద్ద కొత్తిమీర, పుదీనా మొక్కలు పెంచుకొంటే చల్లన. చాలా వరకూ ఇంట్లో పెంచుకొనే మొక్కలకు సూర్యరశ్మి అవసరంలేకుండానే పెరుగుతాయి వాటిలో...

కలబంద: ఎన్నో ఔషద గుణాలున్న కలబంద మొక్కను ఇన్ డోర్ ప్లాంట్ గా పెంచుకోవచ్చు. వీటికి నీరు లేకపోయినా సూర్య రశ్మి తక్కువ ఉన్నా బాగా పెరుగుతుంది.
స్ట్రాబెర్రీ: ఎర్రని రుచికరమైన పండునిచ్చే స్ట్రాబెర్రీ మొక్కను కూడా కొద్దిపాటి సూర్యరశ్మిలోనే పెంచుకోవచ్చు.

మనీప్లాంట్: చాలామందికి ఇది పరిచయమే. ఈ ఇండోర్ ప్లాంట్ రోజురోజుకూ తీగలా అల్లుకుంటూ పెరుగుతూ అందంగా గోడల మీదో, గుమ్మానికి నలువైపులానో కొలువు తీరుతుంది.

తమలపాకు: సున్నంతో కలిసి నోరు పండించడంతో పాటు శుభకార్యాలన్నింట్లోనూ మనకు తోడుండే తమలపాకు మొక్కను పెంచడం బాగా తేలిక. దీనితో పాటే కంద, పెండ్లం, చిలగడదుంప... వంటివి కూడా కిటికీ తలుపు తెరిస్తే వచ్చే ఎండతో సరిపెట్టుకుని మనకు ఎంతో విలువైన కాయగూరలను అందించేవే

మెంతికూర: చిన్నచిన్న ట్రే లాంటి దానిలో వేసి పెంచినా మనకు అవసరమైన వంటదినుసును అందించే పెద్దమనసు ‘మెంతి’ సొంతం. తక్కువ వెలుతురులోనే ఎదిగే ఈ మొక్కని పెంచుకోవచ్చు. దీనితో పాటే ధనియాలు, గోధుమలు, కొత్తిమీర వంటివి కూడా పెంచుకోవచ్చు.

బ్రహ్మ కమలం: ఈ మొక్కలను ఇంటి లోగిలిలో భూమిలోనూ, కుంపట్లోనూ పెంచుకోవచ్చు. దీనికి కూడా తగినంత నీరు వుంటే చాలు. సూర్య రశ్మి తక్కువగా ఉన్నా బాగా పెరుగుతుంది. ఈ మొక్కకు ఒక విశేషం వుంది. అదేంటంటే ఈ చెట్లో పూసే పువ్వులు సంత్సరానికి ఒక్కసారి పూసి, రాత్రి సమయంలో మాత్రమే విరబూస్తాయి.