పడకగది వాస్తు చిట్కాలు, బెడ్ ఎటు వైపు ఉండాలి, టేబుల్‌పై ఏమేం పెట్టుకోవాలంటే..

పడకగదిలో బెడ్ ఎక్కడ ఉంచాలి:

పడక గదిలో బెడ్‌ను మూలను పెట్టకూడదు. దీని వల్ల సానుకూల శక్తి స్వేచ్ఛగా ప్రవహించదు. వాస్తు ప్రకారం పడకగదిలో బెడ్ మధ్య భాగంలో ఉండాలి. బెడ్ చుట్టూ తిరగడానికి వీలుగా తగినంత స్థలం ఉండేలా చూసుకోవాలి.

దంపతుల కోసం వాస్తు చిట్కాలు:

* దంపతులు ఇంటికి యజమాని అయితే వాస్తు ప్రకారం నైరుతిలో పడకగది దిశను ఎంచుకోవాలి. కొత్తగా పెళ్లైన వారి పడకగది వాయువ్య మూలలో ఉండాలి. వాస్తు నియమాల ప్రకారం పడకగది ఈశాన్యంలో ఉండకూడదు.

* మాస్టర్ బెడ్రూములో బెడ్ దక్షిణం లేదా నైరుతి వైపు ఉండాలి. భర్తకు ఎడమ వైపున భార్య నిద్రించాలి.

* బెడ్‌ను గోడకు వేసుకోకూడదు. కొంత స్థలం వదిలి బెడ్ వేసుకోవాలి. బెడ్ చుట్టూ తిరిగేంత స్థలం ఉంచుకోవాలి.

* పడకగదిలో ఒంటరి జంతువులు, పక్షులు, మనిషి ఉండే పెయింటింగ్స్, ఫోటోలు ఉంచకూడదు. జంట పక్షులు, రాధాకృష్ణులు, జంట జంతువుల పెయింటింగ్స్, ఫోటోలనే ఉంచాలి.

* బెడ్రూములో యుద్ధ పెయింటింగ్స్, దెయ్యాలు, గుడ్లగూబలు, గద్దలు, రాబందులు, భయంకర దృశ్యాల వంటి పెయింటింగ్స్ ఉంచకూడదు.

* జింకలు, హంసలు, చిలుకలు లాంటి వాటి పెయింటింగ్స్ ఉంచుకోవచ్చు.

* పడకగదిలో కుటుంబసభ్యుల ఫోటోలు, విహారయాత్రలకు వెళ్లినప్పుడు ఫోటోలు, పోస్టర్లు పెట్టుకోవచ్చు.

* మార్బుల్ ఫ్లోరింగ్ ఉన్న పడకగదిలో కొత్తగా పెళ్లైన వారు ఉండకూడదని వాస్తు శాస్త్రం చెబుతోంది.

బెడ్‌సైడ్ టేబుల్‌పై ఎలాంటి వస్తువులు ఉంచాలి:

పడకగది పక్కన టేబుల్ ఇప్పుడు అవసరంగా మారిపోయింది. అలాగే బెడ్‌సైడ్‌ టేబుల్ పడకగదికి అందాన్ని కూడా తీసుకువస్తుంది. అయితే బెడ్‌సైడ్‌ టేబుల్‌పై అసలు ఎలాంటి వస్తువులు ఉంచాలి, ఎలాంటి వస్తువులు ఉంచకూడదో ఇప్పుడు తెలుసుకుందాం.

* క్యాండిల్ లైట్ వెలుతురులో భాగస్వామితో గడపడం చాలా అద్భుతంగా ఉంటుంది. ఆ ఊహే గమ్మత్తుగా ఉంటుంది. ఆ ఫీల్ కోసం కొంతమంది బెడ్‌సైడ్ టేబుల్‌పై కొవ్వొత్తులు వెలిగిస్తారు. అయితే బెడ్‌సైడ్‌ టేబుల్‌పై కొవ్వొత్తులు వెలిగించకూడదని వాస్తు శాస్త్రం చెబుతోంది.

* చాలా మంది మంచం పక్కనే వాటర్ బాటిళ్లు, జగ్గులు ఉంచుకుంటారు. కానీ వాస్తు ప్రకారం అది మంచిది కాదు. వాటర్ బాటిళ్లను బెడ్‌కు కొద్ది దూరంలో ఉంచాలని వాస్తు శాస్త్రం చెబుతోంది.

* బెడ్‌సైడ్‌ టేబుల్‌పై మెటల్ వస్తువులు ఉంచడం మంచిది కాదు. బెడ్‌కు దగ్గరగా ఉంచినప్పుడు శరీరం యొక్క శక్తితో సంకర్షణ చెందుతుంది. దాని వల్ల తలనొప్పి వంటి ఆరోగ్య సమస్యలు వచ్చే అవకాశం ఉంటుంది.

* బెడ్‌సైడ్‌ టేబుల్‌పై కొందరు గడియారాలను ఉంచుతారు. బెడ్ పక్కనే గడియారాలను ఉంచడం వల్ల విద్యుదయాస్కాంక వికిరణాన్ని ఉత్పత్తి చేస్తుంది. ఇది ఒత్తిడి, తలనొప్పి, నిద్రలేమి కారణమవుతుంది.