చిట్కా ప్రపంచం .. ‘బ్యాచిలర్స్ ప్రత్యేకం’..!!

Published: Thursday, August 25, 2011, 12:05 [IST]

'సాపాటు ఎటు లేదు, పాటైనా పాడు బ్రదర్ అంటూ బ్యాచిలర్ జీవితం సాదా సీదాగా గడిచిపోతుంటుంది. అప్పటి వరకు ఇంట్లో సుకుమారంగా పెరిగిన వారు, ఉద్యోగ రిత్యా లేదా ఉన్నత చదవుల రిత్యా బ్యాచిలర్ అవతారమెత్తాల్సి ఉంటుంది. అప్పుడిక ఎవరి పనులు వారే చేసుకోవల్సి ఉంటుంది. ఉద్యోగం, చదువు ఇలా హడావుడిలో పడి తమ వ్యక్తిగత అవసరాలకు సంబంధించి పలు అంశాల్లో బ్యాచిలర్లు నిర్లక్ష్యం వహిస్తారు. ఈ అలసత్వమే పలు సందర్భాల్లో వారిని చికాకకు ఉసిగొలుపుంతది. ముఖ్యంగా దుస్తుల విషయంలో 'బ్యాచిలర్లు' ఇబ్బందులు ఎదుర్కొంటారు. చిన్నప్పటి నుంచి అలవాటు లేకపోవడం, అవగాహన లేమి వంటి అంశాలు వారిని ఇబ్బందులకు గురిచేస్తుంటాయి. జీన్స్ ప్యాంట్ కాస్తంగా రంగు మారితే చాలు దాన్ని పక్కపెట్టాస్తారు. చొక్కొ కొంచెం నలిగితే చాలు వేసుకోవటం మానేస్తారు. తమ దుస్తులు ఏ మాత్రం చిరిగినే అవి ఇంకా మూలకే.. ఈ విధమైన సమస్యల నుంచి బయటపడేందుకు 'బ్యాచలర్స్' కోసం పలు చిట్కాలు...

- మీరు ఇష్టపడికొనుక్కున్న జీన్స్ రంగుమారకుండా ఉండాలంటే, అరబక్కెట్ నీటిలో 4 నుంచి 6 చుక్కల వెనిగర్ వేసి, ఆ నీటిలో జీన్స్ ను నానబెట్టి ఆ తరవాత ఉతుక్కోండి.
- రెండు టేబుల్ స్పూన్ల నిమ్మ చెక్కల పొడిని వాషింగ్ పౌడర్ లో కలిపి బట్టలను ఉతికితే తెల్లగా ఉంటాయి.
- ఐరన్ బాక్స్ అడుగున కొద్దిగా ఫారాఫిన్ రాస్తే గంజి పెట్టిన బట్టలు అతుక్కోకుండా ఉంటాయి.
- మీ దుస్తల పై గమ్ అతుక్కుంటే కొద్ది సేపే ఐస్ ముక్కను క్లాత్ పై ఉన్న గమ్ పై ఉంచి ఆ తర్వాత గీరేస్తే గమ్ ఊడిపోతుంది.
- గోడకు కొట్టిన మేకుకి బట్టలు తగలించి తీసేటప్పుడు హడావిడిగా లాగితే దుస్తులు చిరిగే ప్రమాదం ఉంది. ఆ మేకులో రబ్బురు కాని, స్పాంజ్ కాని గుచ్చి ఉంచితే బట్టలు చిరగవు.
- తుప్పుపట్టిన తీగల పై బట్టలు ఆరేసినప్పుడు బట్టలకు తుప్పు మరకలు అంటుతాయి. ఆ తప్పు మరకలు పోవాలంటే మరకల మీద నిమ్మ తొక్కలతో రుద్ది ఎండలో వేయండి.
- తెల్లని బట్టల పైన పడిన మరకలను నిమ్మరసం వేసి నిమ్మ తొక్కతో రుద్ది తర్వాత సబ్బుతో ఉతికితే మచ్చలు మాయమవుతాయి. అదే విధంగా తెల్లని బట్టమీద కూర మరకలు పడితే తెల్లని టూత్ పేస్టు కొంచెం మరక పై రాసి నీటిలో తడిపి ఉతికి ఆరేస్తే మరక పోతుంది.
- దుస్తలు పై గోరింతాకు మరకలు పోవాలంటే నిమ్మతొక్కలతో మరకల పై రుద్దండి
- దుస్తల పై పేరకున్న మురికిని వదలించడానికి గట్టిగా బ్రష్ తో రుద్దితే షర్టుకాలర్లు త్వరగా పాడవుతాయి. కాస్త షాంపు వేసి నాననిచ్చి ఉతికి చూడండి మార్పు తెలుస్తుంది.
- బట్టల పై సిరా మరకలు పోవాలంటే నిమ్మరసం కాని, పుల్లని పెరుగకాని ఆ మరక పై వేసి రుద్దండి. ఆ పైన ఉప్పుతో సీరా మరక పోయేంత వరకు రుద్ది ఉతికేయండి.
- బట్టల్లో బొద్దింకలు చేరకుండా ఉండేందుకు కలరా ఉండలతో పాటు కర్పూరాన్ని పెట్టి ఉంచండి.
- వైట్ సాక్స్ బ్రౌన్ గా తయారైందా.. నీటిలో రెండు లెమన్ నిమ్మకాయ బద్దలను వేసి ఈ నీటిలో సాక్సులను వేసి కొద్ది సేపు బాయిల్ చేయండి. ఆ పై ఉతికితే మీ సాక్సులు తెల్లగా వచ్చేస్తాయి.