అక్వేరియం అందాలు ఆనందించండి!

చేపల తొట్టి శుభ్రంగా వుండాలంటే....ప్రతిసారి అందులోని నీరు పారపోసి కొత్తనీరు పోసే కంటే...అందులో వున్న నీటినే శుభ్రంగా వుంచటానికి ప్రయత్నం చేయాలి. నీరు తరచుగా పారపోస్తే చేపలకవసరమైన ఆ నీటిలోని మంచి బాక్టీరియా కోల్పోయే ప్రమాదం వుంది. ఫిష్ ట్యాంక్ లోని పచ్చటి నాచును పూర్తిగా తొలగించాలి. ట్యాంకులో వున్న గులక రాళ్ళు, కంకర రాళ్ళు బయటకు తీసి వాటిని బాగా శుభ్రం చేయండి. సాధారణంగా మురికి ఈ రాళ్ళకే పడుతుంది.

పంపును, షెల్స్, ఇతర వస్తువులు ట్యాంకులో ఏమి వున్నా వాటిని బాగా శుభ్రంచేయండి. నీటికి లేదా అందులోని వస్తువులకు మంచి రంగు వుండాలంటూ హానికరమైన రంగులు అందులో వేయకండి. చేపలకు అది హాని కలిగిస్తుంది. ట్యాంకునుండి నాచు తొలగించిన తర్వాత ట్యాంకును వేడినీటితో శుభ్రపరచి పొడిగా తుడవండి. శుభ్రతలో తక్కువ రసాయనాలు కల సోప్ ఉపయోగించండి. గ్లాస్ గోడలు, మూలలు కూడా బాగా శుభ్రం చేయండి. అక్వేరియంలోని లోపలి భాగ గ్లాసు తళ తళా మెరవాలంటూ చేపలకు హాని కలిగించే క్లీనర్లు వాడకండి.