ఛాండిలీయర్ల శుభ్రత, నిర్వహణలు......!

By B N Sharma

Published: Wednesday, September 21, 2011, 14:22 [IST]

గృహాలంకరణలో ఛాండిలీయర్లు ప్రధానమైనవి. వాటిని తళతళలాడుతూ వుంచాలంటే శుభ్రం చేయాల్సిందే. క్రిస్టల్ ఛాండిలీయర్స్ త్వరగా దుమ్ము పేరుకుంటాయి కనుక తరచుగా శుభ్రం చేయవలసివస్తుంది. ఒక ఫెదర్ డస్టర్ లేదా కాటన్ గుడ్డ తీసుకొని వాటిని శుభ్రంచయాలి. ఛాండిలీయర్ సరైన వెలుగు నివ్వకపోతే, లేదా క్రిస్టల్స్ దుమ్ముగావుంటే, అవి శుభ్రపరిచే సమయమని గ్రహించాలి. క్రిస్టల్స్ డిజైన్, ఆకారాలను బట్టి వాటిని ఏ రకంగా శుభ్రపరచాలనేది పరిశీలించండి.

1. ఛాండిలీయర్ ను చల్లగా వున్నపుడే ఎల్లపుడూ శుభ్రపరచండి. శుభ్రపరచేముందు ప్లగ్ ను సాకెట్ నుండి వేరు చేయండి. ప్రమాదాలు జరుగకుండా వుంటాయి. కాటన్ గుడ్డ లేదా పేపర్ టవల్ లేదా ఇతర దుమ్ము దులిపే గుడ్డలు క్రిస్టల్స్ తుడిచేందుకుపయోగించవచ్చు.
2. క్రిస్టల్స్ పై శుభ్రపరచే సొల్యూషన్లు స్ప్రే చేయటం లేదా డిష్ వాషర్ లో వాటిని పడేయటం చేయరాదు.
3. లైటు బల్బులను ముందుగా తీసి పక్కన పెట్టండి. మెత్తటి గ్లోవ్స్ చేతికి వేసుకొని లేదా గుడ్డతో శుభ్రం చేయండి. గుడ్డకు క్లీనర్ వేసి దానితో తుడవ వచ్చు. అంతే కాని నేరుగా క్రిస్టల్స్ పై ఎట్టి క్లీనర్ పడరాదు.
4. క్రిస్టల్స్ నీటిలో కడగదగినవి అయితే, నీరు పోసి వాటిని కడిగేయండి. మెత్తటి గుడ్డతో తుడిచేయండి.
5. ఛాండిలీయర్ ను మరల దాని స్ధానంలో ఉంచగలిగితే, అన్ని భాగాలు విడిగా తీసి కూడా శుభ్రం చేయవచ్చు. విడి భాగాలు తీసే ముందు దానికి ఒక ఫొటో తీస్తే మరల ఫిట్ చేయటానికి ఆ ఫొటో ఉపయోగపడగలదు.
6. ఛాండ్ లీయర్ శుభ్రం చేయటానికి గోరు వెచ్చటి నీటిలో వినేగర్ వేసి శుభ్రం చేయవచ్చు. గుడ్డలో కొద్ది భాగాన్ని దానిలో ముంచి క్రిస్టల్స్ శుభ్రం చేయవచ్చు.
7. డిష్ వాషింగ్ లిక్విడ్ కూడా వాడవచ్చు. అయితే మెత్తటి గుడ్డను తుడిచేందుకు వాడాలి.
8. ఛాండిలీయర్ ను తుడిచినపుడల్లా దానిలోని బల్బులను కూడా దుమ్ము లేకుండా శుభ్రం చేయండి.
9. తరచుగా ఛాండిలీయర్ దుమ్ము దులిపేస్తూ వుంటే ఒకే సారి ఎక్కువ సమయం కేటాయించవలసిన అవసరం వుండదు.
10. శుభ్రం చేసిన ఛాండిలీయర్ ను ఒక రాత్రంతా ఫిట్ చేయకుండా వుంచి దానిలోని భాగాలలో నీరు ఎండిపోయేట్లు చేయండి.