కృత్రిమ అందాల సంరక్షణ!

Improvement

oi-Nageswara

By B N Sharma

Published: Friday, December 2, 2011, 12:55 [IST]

ఇల్లు ఎంత చిన్నదైనా ప్రతివారూ ఒక ఇండోర్ గార్డెన్ మెయిన్టెయిన్ చేయటానికి ప్రయత్నిస్తారు. లేదా కనీసం కొన్ని పూలకుండీలు ఎంట్రన్స్లో లేదా బాల్కనీలో పెడతారు. అయితే, నగర జీవనంలో భార్యా భర్తలు ఇద్దరూ ఉద్యోగస్తులయితే, మొక్కల పెంపకం కష్టమవుతుంది. అందుకుగాను నేడు ఆధునికంగా వస్తున్న ఆర్టిఫిషియల్ పూలు, మొక్కలు పెడితే బాగుంటుంది. ఇవి ఎప్పటికి తాజాగానే కనపడుతూంటాయి. కానీ ఇవి కూడా రోజులు గడిచే కొద్ది దుమ్ము పేరుకొని అసహ్యంగా కనపడతాయి. మరి వీటి నిర్వహణ ఎలా అనేది పరిశీలిద్దాం!

1. ప్లాస్టిక్ పూలను శుభ్రంగా నీటిలో కడిగి, ఎండకు ఆరబెట్టండి. ఇక అవి కొత్త పూలవలే వుంటాయి.

2. పూలు గుడ్డ లేదా చెక్కవి అయితే, వాక్యూమ్ క్లీనర్ తో వాటి దుమ్ము వదిలించండి. వాటి రేకులను తడి గుడ్డతో లేదా పేపర్ టవల్ తో శుభ్రం చేయండి.

3. పూలు కొనేటపుడు ఎరుపు, లవెండర్, మెరూన్ రంగులు కొనండి. త్వరగా దుమ్ము కనపడకుండా వుంటుంది. తెలుపు, పసుపు మొదలైన లైట్ రంగు పూలను పాలీధిన్ కవర్ తో కప్పండి. దానిని ఎప్పటికపుడు తొలగించి కొత్తది వేయవచ్చు.

4. పూల కాడలు పొడవుగా వుంటే పొడవైన ఫ్లవర్ వేజ్ కొని అందులో పెడితే బాగుంటుంది. కాడలు లేని పూలు ఒక బుట్టలోపెట్టండి.

5. పొడవాటి కాడలను వేజ్ లో పెట్టేటపుడు, కొన్ని గులకరాళ్ళు, గోలీలు లేదా మంచి వాసన కల ఐటమ్ లు వాటిలో పోస్తే బాగుంటుంది. లేదా స్పాంజి పీసులు కూడా పెట్టవచ్చు. మీరు పెట్టే పూలు రంగు కంటే ఫ్లవర్ వేజ్ రంగు కొంచెం డల్ గా వుంటే పూలు బాగా కనపడతాయి.