చూడగానే మతిపోతుందా..?? ఇలా చేయండి...!!

Published: Wednesday, August 24, 2011, 14:43 [IST]

''ఆ ఊరిలో సుబ్రహ్మణ్యం గారిది ఉమ్మడి కుటుంబం, ఎవరు చదువుకోనప్పటికి చీకు చింతా లేదు ఓ సమస్య తప్ప, ప్రతి నెలా 10వ తేదీ వచ్చే సరికి ఈ ఇంట్లో గొడవ మొదలైద్ది. 'కరెంటును జాగ్రత్తగా వినియోగిస్తున్నప్పటికి బిల్లు ఎక్కువగా వచ్చేస్తుదంటూ' సుబ్రహ్మణ్యం భార్య స్వరాజ్యం గగ్గోలు పెడుతుంటుంది. లైన్ మెన్ కు ఫిర్యాదు చేశారు మీటర్లు ఎటువంటి సమస్యలేదని తేల్చి చెప్పాడు. మరి సమస్య ఎక్కడుందంటారు.. కేవలం సుబ్రహ్మణ్యం ఇంటిలో మాత్రమే కాదు కొన్ని వేల కటుంబాల్లో ఇదే సమస్య. 'కరెంటు తక్కువగానే వాడుతున్నామే.. అయినా బిల్లు ఎందుకు ఎక్కువ వస్తుంద'నే కోణంలో ఆలోచిస్తున్నారు తప్పితే., సమస్యకు కారణం మన నిర్లక్ష్యమేనని తెలుసుకోవటం లేదు.''

మన నిత్యావసరాల్లో ఒకటైన విద్యుత్ ను ఉపయోగించే తీరునుబట్టి బిల్లు వస్తుంది. కరెంటు బిల్లు అధికంగా వస్తున్న కుటుంబాల్లో సమస్య ఎక్కడ వస్తుందంటే. ఎక్కడైతే తక్కువ కాంతి అవసరమో, అక్కడ ఎక్కువ కాంతినిచ్చే బల్బులను ఉపయోగించడం. నిర్లక్ష్యంతో వెలిగించిన బల్బును ఆఫ్ చేయకపోవడం, ఫ్రిజ్ ను అనవసరంగా తెరుస్తుండటం, అవసరం లేకున్నా ఫ్యాన్లు వేయడంలాంటి అవనసర విషయాల వల్ల నెలోచ్చేసరికి కరెంటు తడిచి మోపెడవుతుంది. కాస్తంత శ్రద్ధ వహించి ఈ చిట్కాలను పాటిస్తే విద్యుత్ 'షాక్' నుంచి మీరు బయట పడోచ్చు.

విద్యుత్ ని ఇలా ఆదా చేయ్యండి..:

- ఇంట్లో వేడి వాతావరణాన్ని నియంత్రించడానికి ఇంటిచుట్టూ మొక్కలను పెంచేలా చూడండి. అవసరమైనప్పుడు మాత్రమే కరెంటును ఉపయోగించుకోండి.

- సాధారణంగా వినియోగించే బల్బులు స్థానంలో లేటెస్టుగా వస్తున్న సీఎఫ్ ఎల్ బల్బులను ఉపయోగిస్తే దాదాపు 80 శాతం విద్యుత్ ను ఆదా చేసుకోవచ్చు. ఈ బల్బుల నుంచి వెలువడే కాంతి కూడా అధికంగానే ఉంటుంది.

- వేడిని తగ్గించుకోవడానికి ఎయిర్ కండీషనర్ కు బుదులుగా సీలింగ్ ఫ్యాన్ కాని టేబుల్ ఫ్యాన్ ను ఉపయోగించండి. ఒక వేళ ఎయిర్ కండీషనర్ ను ఉపయోగించాల్సి వస్తే కిటికీలు, తలుపులు మూసే ఉంచండి.

- ప్రస్తుత మార్కెట్లో మనకు ఆటోమెటిక్ సాంకేతిక వస్తువులు లభ్యమవుతున్నాయి. వీటి ప్రత్యేకతలను పరిశీలిస్తే పని పూర్తికాగానే వాటంతంటికి అవే ఆఫ్ అయిపోతాయి. వీలుంటే ఈ వస్తువులు కోనుగోలు చేయండి.

- మిక్సర్ లేడా గ్రైండర్ లను పదే పదే ఉపయోగించకుండా, కావల్సిన పదార్థాన్ని ఒకే సారి రుబ్బుకోండి. టీవి విషయంలోనూ జాగ్రత్త వహించండి. రిమోట్ దగ్గర కాకుండా పూర్తిగా ఆఫ్ చేయండి.

- వేడిగా ఉన్న పదార్థాలను చల్లబడిన తర్వాత మాత్రమే ఫ్రిజ్ లో పెట్టాలి. దీని వల్ల విద్యుత్ వినియోగం తక్కువ మోతాదులో ఖర్చవుతుంది. ఫ్రీజర్ ను ఎప్పటికప్పుడు డీఫ్రాస్ట్ చేసుకుంటూ ఉండాలి. ఫ్రిజ్ తలుపు మూసారా లేదా ఒకసారి చెక్ చేసుకోండి.