ఇళ్లు పాతబడిందని దిగులేందుకు..!!

Published: Friday, August 12, 2011, 9:24 [IST]

తమ ఇంట్లో ప్రతిస్థానం కొత్తగా కనిపించాలని గృహిణిలు తాపత్రయపడుతుంటారు. బెడ్ రూమ్, డ్రాయింగ్ రూమ్, బాత్ రూమ్ ఇలా అన్ని రూముల్లో కొత్తదనాన్ని కోరుకుంటారు. అలాంటప్పుడు ఇంట్లోని పాతవస్తువులు, సామాన్లకు స్థాన మార్పిడి చేసినట్లయితే మీ ఇంటికి సరికొత్త అందాలను తీసుకురావచ్చు. హాల్ లోని దివాన్ , సోఫాల స్థలాన్ని మార్చితే అక్కడ ఓ కొత్త మార్పు కొట్టొచ్చినట్లు కనిపిస్తుంది. సోఫా, కుర్చీలను కొంచెం దూరంగా మీకు నచ్చినట్లు వేసి, ఎర్ర కార్పెట్ వేస్తే ఆ అందమే వేరు. అధేవిధంగా ఇంట్లో కూర్చునే దిశను కూడా అప్పుడప్పుడూ మార్చుతూ ఉంటే ఇల్లు ఎప్పుడు కొత్తదనంతో కళకళలాడుతుంది.

గుమ్మాలు, కిటికీలకు ఉన్న కర్టన్లను ఎప్పటికప్పుడు మార్చుతుండాలి. దీని కోసం ప్రతిసారి కొత్తవి కొనాల్సిన అవసరం లేదు. ఒక గదిలోని కర్టెన్‌ను వేరే గదికి, మరొక గది కర్టెన్‌ను వేరొక గదికి మార్చడం ద్వారా కొత్త అనుభూతిని మీరు పొందవచ్చు. ఇక గోడల మీద ఉన్న చిత్రాలు, వాల్ హ్యాంగింగ్స్ వంటి స్థానాలను అప్పడుప్పుడు మార్చుకోవడం ద్వరా కొత్తదనాన్ని ఆస్వాదించవచ్చు. లైటింగ్ పద్ధతిలో కూడా మార్పులు చేయడం ద్వారా కొత్త అందాన్ని ఇంటికి తేవచ్చు. పిల్లల గదుల్లో అయితే రంగు రంగుల బల్బులను ఏర్పాటు చేసి, భార్యాభర్తలకు మాత్రం క్రీమ్ తరహా డల్ లైటింగ్ వ్యవస్థను ఏర్పాటు చేసుకుంటే ఇల్లు సరికొత్త హంగులతో స్వర్గసీమను తలపిస్తుంది.