ప్రతి ఇంటి అవసరం...టూల్ బాక్స్!

టూల్ కిట్ లో ఎప్పటికి ఉండాల్సిన ప్రధాన పరికరాలు -
1. సుత్తి - ఈ పరికరం ఉపయోగాలు ఎన్నో వుంటాయి. ఇంటిలో ఏ పని తలపెట్టినా దీని అవసరం వుంటుంది. ఒక మేకు కొట్టాలన్నా, లేదా తీసివేయాలన్నా, బాగా షార్ప్ గా వున్న అంచులు అణచాలన్నా సుత్తి అవసరం చాలా వుంటుంది.
2. స్క్రూ డ్రైవర్ - మనం వాడే పరికరాలలో స్ర్కూ డ్రైవర్ అతి సాధారణ వస్తువు. ఏ చిన్న రిపేర్ చేయాలన్నా దీని అవసరం బాగా వుంటుంది. నట్లు, బోల్టులు బిగించటానికి బాగా ఉపయోగపడుతుంది. ఇంట్లోని గ్రైండర్, స్విచ్ బోర్డు, ప్లగ్ లేదా డబ్బాల మూతలు వంటి వస్తువులను తెరిచేటందుకు దీనికి వాడవచ్చు.
3. కటింగ్ ప్లైర్ - సాధారణంగా కత్తెర చేయలేని పని ఇది చేస్తుంది. ఎలక్ట్రిక్ వైర్లను తొలగించటానికి లేదా కత్తిరించటానికి వాడతారు. ఎంత సన్నగా వున్న ప్రదేశమైనా సరే అందులోకి చేరి కటింగ్ ప్లైర్ పని చేస్తుంది.
4. ఎలక్ట్రిక్ టెస్టర్ - అత్యవసరమైన పరికరమే కాక, భధ్రతకు ఇంట్లో వుండవలసిన పరికరం. చిన్న స్ర్కూడ్రైవర్ లా వుండి కరెంటు వైర్లకు తగిలిస్తే వాటిలో విద్యత్ వుందా లేదా అనేది చూపిస్తుంది.
5. మడత చాకు - చిన్న సైజు కత్తిలా వుండి అనేక పన్లకు ఉపయోగపడుతుంది. వివిధ సైజులలో దొరుకుతుంది. దీనిని రెంచి, బాట్ ఓపెనర్, కిచెన్ నైఫ్ గా కూడా ఉపయోగించవచ్చు.

కొత్తగా ఇల్లు ఏర్పరచుకునే వారు ఈ పరికరాలను ఒక టూల్ కిట్ గా ఏర్పాటు చేసుకుంటే, చిన్న పాటి పనులను, రిపేర్లను తమకు తామే తక్షణం ఇంటిలో చేసుకునే అవకాశం వుంటుంది.