వంటగది ఆకర్షనీయంగా ఉండాలంటే...

Published: Thursday, December 15, 2011, 14:47 [IST]

ఇంటిని చూసి ఇల్లాలిని చూడాలి అనేది నానుడి. అయితే ఇల్లాలిని అంచనా వేయడానికి ఇల్లంతా చూడాల్సిన అవసరం లేదు. కేవలం వంటగదిని చూస్తే చాలు ఆడవారిని అంచనా వేయవచ్చు అంటున్నారు పరిశీలకులు. వంటగదిని ఎంత సౌకర్యంగా సర్దుకుంటే అంతగా ఆ ఇల్లాలి శుభ్రతను మనం తెలుసుకోగలం పెద్దలు చెప్పేవారు. వంట ఇల్లు అంటే చికాకు పడకుండా ముందుగ అన్ని ఆలోచించుకుని సర్దుకుంటే అస్సలు వంట అంత తేలిక పని ఇంకొకటి వుండదు. వంట గది ఎలా వుండాలో ఒక సారి చూడండి

1. వంటగది కార్నర్‌ లో సింక్ ఏర్పాటు చేసుకోవడం మూలంగా స్థలం ఆదా అవుతుంది. కిచెన్‌ కార్నర్‌ లో ఉన్న ఖాళీ స్థలంలో మార్బుల్ స్టోన్‌ ను ఏర్పాటు చేసుకుంటే డిటర్జెంట్‌ లు పెట్టుకోవడానికి ఉపయోగకరంగా ఉంటుంది. పాత్రలు శుభ్రం చేసుకోవడానికి కూడా ఉపకరిస్తుంది.
2. గ్యాస్ స్టవ్‌ పైన గోడకు చిన్న షెల్ఫ్‌లాంటిది ఏర్పాటు చేసుకుంటే చిన్న చిన్న వస్తువులు పెట్టుకోవచ్చు. సింక్ లెవల్, వర్క్‌ టాప్ ఎత్తుకు తగ్గ విధంగా ఉండేలా నిర్మించుకుంటే సౌలభ్యంగా ఉంటుంది. వంటగదికి మార్బుల్ ఫ్లోరింగ్ బాగా నప్పుతుంది. సులభంగా శుభ్రం చేసుకోవచ్చు. గోడలకు సిరామిక్‌టైల్స్ అయితే బాగుంటాయి.
3. వంటగదిలో విద్యుత్ ఉపకరణాలు తగినంత ఎత్తులో ఉండేలా జాగ్రత్తలు తీసుకోవాలి.
4. ఫ్రిజ్ తగినంత ఎత్తులో ఉండేలా చూసుకోవాలి.
5. ఇక రంగుల విషయానికి వస్తే.. వంటగదికి తెలుపు లేక ఇతర లేత రంగులు వేసుకుంటే విశాలంగా కనిపిస్తుంది. చూసేందుకు అందంగా, ఆకర్షణీయంగా ఉంటుంది.
6. వంట గది గట్టు మీద జిడ్డు తొలగించాలంటే కాస్త వంట సోడా చల్లి పీచుతో రుద్ది కడిగితే శుబ్రపడుతుంది.
7. ఆలివ్ నూనెలో కాస్త నిమ్మరసం కలిపి చెక్క సామాగ్రిని రుద్దితే పాలిష్ చేసినట్లు కనపడతాయి.