వార్డ్ రోబ్ లో ఏర్పాటు ఎలా వుండాలి?

Improvement

oi-Nageswara

By B N Sharma

Published: Friday, September 30, 2011, 10:07 [IST]

ఉద్యోగాలకు వెళ్ళే వారు సమయం చాలక అవసరమైన దుస్తులు లేదా ఇతర వస్తువుల కొరకు వార్డ్ రోబ్ లో వెతుకుతూ అందులో వున్న ఇతర వస్తువులు కూడా చిందర వందర చేసేసుకుంటారు. ఉదయం వేళ 5 నిమిషాల సమయం కూడా అతి విలువైనది. ఈ అయిదు నిమిషాలు సైతం ఉపయోగించుకోడానికి వెతుకులాటలో పడి దానిని వృధా చేసుకోకండి. మీ వార్డ్ రోబ్ లో ఏది ఎక్కడ ఎలా వుంచాలో ముందుగా ప్లాన్ చేసుకుంటే మీ చివరినిమిషం పని చాలా తేలిక అవుతుంది. రోజంతా మీకు ఏ వస్తువు మర్చిపోకపోతే రిలాక్స్డ్ గా వుంటుంది.

మీ వార్డ్ రోబ్ లో తగినన్ని అరలు పెట్టుకోండి. ఒక దానిలో ప్రతిరోజూ ధరించే ఫార్మల్ దుస్తులు, మరో దానిలో మీటింగులకు ప్రత్యేక సందర్భాలకు అవసరమైన ప్రత్యేక దుస్తులు వుంచండి. ఇలా వేరుగా వుంచుకోకపోతే, మీటింగ్ కు వెళ్లేటపుడు మీకు కావలసిన షర్టు దొరకక సమయం మీటింగ్ కొరకు పెట్టాల్సింది బదులు షర్టు వెతకటంపై పెట్టాల్సివస్తుంది. వార్డ్ రోబ్ లో పై అరలో డైలీ వేసుకునే దుస్తులు వుంచండి. అవి మీకు తేలికగా అందేలా వుండాలి.

సాధారణంగా మనం అట్టడుగునవున్న వాటిని బయటకు లాగేస్తూవుంటాం. పైన పెట్టిన దుస్తులు చిందరవందర అయినా పట్టించుకోము. తర్వాత పై బట్టలలో మీకు అవసరమైనవి వెతకాలంటే ఇక కష్టమే మరి. కనుక అడుగున వున్నప్పటికి పై బట్టలు జాగ్రత్తగా తీసి వేరే చోట పెట్టి అడుగున వున్న దానిని తీసుకోండి. దీనికిగాను 1 నిమిషం సమయం పెడితే చాలు. తర్వాత మీరు వెతుకులాట చేయాల్సినపనిలేదు.

వీలైతే, ఉదయం వేళ ఆపీసుకు వేసుకు వెళ్ళవలసిన దుస్తులు రాత్రి పూటే తీసి బయట పెట్టుకోండి. ఖంగారులో ఉదయం వేళ వార్డ్ రోబ్ చిందర వందర కాకుండా వుంటుంది. దుస్తులకు తగిన టై లేదా దుప్పటా మొదలైనవి కూడా వాటితో పాటే వుంచుకుంటే బాగుంటుంది. ఈ వస్తువులకు ఉదయం పూట వెతుకులాడితే సమయం వృధా అవుతుంది. ఎప్పటికపుడు వార్డ్ రోబ్ సరిగా సర్ది వుండేలా చూసుకుంటే, ప్రతిరోజూ అది చిందరవందర కాకుండా వుంటుంది.

వారాంతంలో లాండ్రీ నుండి వచ్చే దుస్తులు ఒక ప్రణాళిక మేరకు వార్డ్ రోబ్ లో పెట్టుకోండి. మడతలు ఒక సారి తొలగితే మరల పెట్టటం మనకు కుదరని పని. వారాంతంలో ఈ పనికి ఒక గంట కేటాయిస్తే వారమంతా మైండ్ గుడ్డలకు సంబంధించి హాయిగా వుంటుంది. వార్డ్ రోబ్ సర్దుడనేది ఇంటి పని మాదిరిగా కాకుండా టైమ్ మేనేజ్మెంట్ రీత్యా చేసుకుంటే మన ఆఫీసు ఉద్యోగాలు సౌకర్యవంతంగా కూడా చేసుకున్నట్లు వుంటుంది.