అన్ని కాలాలు ఇంటికి పండుగ కళే!

గోడలకు, చెక్క భాగాలకు పట్టిన ఫంగస్ పోవాలంటే, క్లోరైన్ ద్రావకం తీసుకోండి. దానిలో ఒక గుడ్డముంచి ఫంగస్ లేదా నాచు పాకిన చోటు చిన్నదిగా వుంటే తుడిచేయండి. ఫంగస్ అధిక భాగం ఆక్రమిస్తే ఒక పెయింట్ బ్రష్ తీసుకుని దానితో రాయండి. ఫంగస్ పోతుంది. కాంక్రీటు భాగాలకు చెక్కకు పట్టే మరకలు, ఫంగస్ లు, నాచులు వదిలించాలంటే ఘాటైన డిటర్జెంట్ ను బ్లీచింగ్ పౌడర్ తో వేడి నీటిలో కలిపి దానిపై బలంగా పోయండి. కొద్దిసేపటిలో ఫంగస్ మాయం.

బయట నేలపైన వర్షం కారణంగా రాళ్ళకు కూడా నాచు ఏర్పడుతుంది. దానిని హోస్ పైపునీటితో చిమ్మండి. లేదా ఇంటి లోపలి భాగాలైతే, ఒక బాటిల్ లో వినేగార్ పోసి స్ప్రే చేయండి. ఒక కత్తితో దానిని తొలగించండి. తర్వాత వేడినీటితో కడిగేస్తే మరల అక్కడ నాచు పట్టకుండా వుంటుంది. వర్షాకాలం వచ్చే ముందే నీరు నిలబడకుండా మీ ఇంటి పై భాగంలోని చెత్త, దుమ్ము వంటివి తొలగించండి. ఈ చర్య నాచు పట్టకుండా చేస్తుంది.

నాచు పడుతుందనుకున్న ప్రదేశాలకు జింక్ సల్ఫేట్ మోనోహైడ్రేట్ పౌడర్ నీటిలో కలిపి వేయండి. వర్షాకాలంముందే మీ ఇల్లు రంగులు వేయించాలనుకుంటే, లూజుగా వున్న పెయింట్ బాగా గీకి తొలగించి నేడు ఆధునికంగా వస్తున్న ఫంగస్ ఫ్రీ పెయింటింగ్ లు వేయించండి.