వుడెన్ ఫర్నిచర్ నిర్వహణ ఎలా?

By B N Sharma

Published: Wednesday, October 5, 2011, 8:33 [IST]

ఇంటిలో ఆకర్షణీయంగాను, హుందాగాను వుండే వుడెన్ ఫర్నిచర్ ను మెయిన్టెయిన్ చేయటం చాలా కష్టంతో కూడుకున్న పనే. ఆకర్షణీయంగా వుండాలంటే వీటికి ఎప్పటికపుడు పాలిష్ చేయిస్తూ వుండాలి. వీటిపై నీరు లేదా ఇతర క్లీనింగ్ ద్రవాలు వేసి శుభ్రపరచటానికి వీలులేదు. అటువంటివి ఉపయోగిస్తే చెక్క తేమను పీల్చుకొని బలహీనపడుతుంది. మెరుపు తగ్గుతుంది. కనుక దిగువ పేర్కొన్న సులభమైన చిట్కాలతో ఇంట్లోని వుడెన్ ఫర్నచర్ ఎప్పటికి ఆకర్షణీయంగా ఎలా వుంచవచ్చో పరిశీలించండి.

1. వుడెన్ ఫర్నిచర్ ను మొదటగా తడి గుడ్డతో వెంటనే పొడిగుడ్డతో తుడవండి. ఇక తడి గుర్తులు ఏమీ వుండకుండా పేరుకున్న దుమ్ము తేలికగా వదులుతుంది.

2. చెక్కపైగల దుమ్మును ఎపుడూ గీకవద్దు గీతలు పడి అవి కనపడుతూంటాయి. కార్నర్ లు దెబ్బతింటే వాటికి అతికేటటువంటి ఎడ్హెసివ్ లు ఉపయోగించండి.

3. ఫర్నిచర్ కు వార్నిష్ వేసినా లేక లామినేషన్ చేయించినా అది ఎప్పటికి కొత్తదిగా కనపడుతుంది.

4. మెత్తటి నైలాన్ కొనలున్న టూత్ బ్రష్ లేదా ఇయర్ బడ్స్ ఉపయోగించి లేదా పేపర్ టవల్స్ ఉపయోగించి ఫర్నిచర్ శుభ్రపరచండి.

5. ఫర్నిచర్ కాళ్ళు సమంగా లేకుండాను, మురికిగాను కనపడితే వాటిని పాత గుడ్డతో తుడవండి. ప్లాస్టిక్ షూ అడుగున వేస్తే బ్యాలెన్స్ అవుతుంది.

6. దుమ్ము పేరుకోకుండా ఫర్నిచర్ కుషన్లను ఎప్పటికపుడు వాక్యూమ్ క్లీనర్ తో శుభ్ర పరచండి లేదా వాష్ చేయండి.