తక్కువ శ్రమతో అధిక శుభ్రత!

By B N Sharma

Published: Saturday, November 19, 2011, 14:23 [IST]

సాధారణంగా పేంట్లు త్వరగా మురికి పడతాయి, వీటి మురికి వదిలించాలంటే మహిళలు చాలా కష్టపడాలి. బట్టలపై మరకలు వదిలించాలంటే, మరకపడిన తర్వాత వెంటనే వదిలించటం తేలికవుతుంది. కాని అవి బురద మరకలయితే దానిని బాగా ఎండనివ్వాలి. ఈ చర్య బట్టపై బురద వ్యాపించకుండా చేస్తుంది. ఈ రకమైన బురద మరకలను గుడ్డలపై వదిలించటానికి కొన్ని చిట్కాలు చూడండి.

1. పేంటు పై బురద మరక అయితే, మరకను తడిగా వున్నపుడు తుడవవద్దు. పేంటును హేంగర్కు వేసి ఎండపెట్టండి.
2. బురద ఎండిన తర్వాత దానిని వాష్ చేయకండి. ఒక వాక్యూమ్ క్లీనర్ ఉపయోగించి బురదను దానినుండి తొలగించండి.
3. వేడి నీటిలో డిటర్జెంట్ కలిపి దానిలో పేంటును సుమారుగా 20 నిమిషాలు నానపెట్టండి. ఇది బురద మరకలు తేలికగా పోవటానికి సహకరిస్తుంది.
4. వేడి నీటిలో నానపెట్టిన తర్వాత పేంటును డిటర్జెంట్ తో వాష్ చేయండి. బురద మరక పోయిందో లేదో చూడండి. పోకుంటే, మరల వాష్ చేయండి.
5. గుడ్డలనుండి మరకలు తీసేయటానికి నిమ్మకాయను కూడా ఉపయోగించవచ్చు. సగానికి కోసిన నిమ్మకాయను మరకపై రుద్ది మరకను తొలగించవచ్చు.
6. నీటిలో బేకింగ్ సోడా కలిపి మరక వున్న బట్టను నానపెట్టండి. వాష్ చేసేటపుడు డిటర్జెంట్ వాడండి. మరకలు తేలికగా పోతాయి.
7. జీన్స్, డెనిమ్స్ లపై మరకలు పడితే, దానిని నాన బెట్టిన తర్వాత డిటర్జెంట్ లేదా సోప్ ఉపయోగించి తొలగించవచ్చు. 5 నుండి 10 నిమిషాలు సోప్ రాసి వుంచి బ్రష్ చేయండి. జీన్స్ గుడ్డలకు ఇది మంచి పద్ధతి.
8. కొద్దిపాటి మరకలైతే, నిమ్మకాయ, ఉప్పు కలిపి వేసి రుద్దితే తేలికగా వదులుతాయి. తర్వాత వాటిని వినేగార్ కలిపిన నీటిలో ముంచి తీయండి. గుడ్డలను ఎండబెడితే మరకలు మటుమాయం.