అదరగొట్టే సిగరెట్ వాసనా? వదిలించండిలా?

Improvement

oi-Nageswara

By B N Sharma

Published: Wednesday, October 12, 2011, 11:53 [IST]

గుడ్డలనుండి ఎంత మురికినైనా సరే వదిలించవచ్చు గానీ, సిగరెట్ వాసనను వదిలించటం చాలా కష్టం. గుడ్డలకు పట్టేసిన సిగరెట్ పొగ లేదా మరే ఇతర పొగలు త్వరగా వదలవు. ఈ సిగరెట్ వాసనలు ఆస్తమా లేదా ఇతర శ్వాస సంబంధిత అనారోగ్య సమస్యలకు కూడా దోవతీస్తాయి. కనుక, సిగరెట్ వాసనను గుడ్డలనుండి వదిలించాలంటే కొన్ని సులభమైన చిట్కాలు చూడండి.

1. గుడ్డలను డిటర్జెంట్ కలిపిన నీటిలో నానపెట్టండి. ఇది చాలా చవకగా చేసేయవచ్చు. గుడ్డను గురించిన వాషింగ్ వివరాలకు గాను దానిపై వున్న లేబుల్ చదవండి.

2. సిగరెట్ వాసన గుడ్డలనుండి వదిలించటానికి వినేగార్ బాగా పని చేస్తుంది. గుడ్డలను నానపెట్టేటపుడు లేదా ఉతికిన తర్వాత కొద్ది చుక్కలు వినేగార్ నీటిలో వేయండి.

3.గుడ్డలనుండి సిగరెట్ వాసన పోగొట్టడానికి కాఫీ గింజలు కూడా వాడవచ్చు. గుడ్డలను ఒక కవరులో పెట్టి దానిని కాఫీ గింజలున్న కంటైనర్ లో 24 గంటలు పెట్టండి. బయటకు తీస్తే సిగరెట్ వాసన పోయి దానికి కాఫీ వాసన ఏర్పడుతుంది. కొద్దిసేపు గాలి తగిలితే, కాఫీ వాసన కూడా పోతుంది.

4. బొగ్గు వాసనలను బాగా వదిలిస్తుంది. బట్టలుంచిన అరలో కనుక కొద్ది బొగ్గు ముక్కలుంచితే అది వాసన పీల్చేస్తుంది. ఉతికిన బట్టలపై పడకుండా బొగ్గు ముక్కలను ప్రత్యేక డబ్బాలో తెరచి వుంచండి.

5. వేడి నీటిలో వాషింగ్ సోడా, అమ్మెనియా, వినేగార్ కలిపి 10 నుండి 15 నిమిషాలపాటు గుడ్డలను నానపెడితే, వాసన మటుమాయం.

6. ఆధునికంగా వస్తున్న క్లాత్ కండిషనర్లలో ఉతికిన బట్టలను ముంచి తీస్తే, బట్టలు మంచి సువాసనలు వెదజల్లుతూంటాయి.