సువాసనల వంటగది!

By B N Sharma

Published: Friday, October 28, 2011, 11:53 [IST]

మంచి సువాసనలు వచ్చే వంటగది మనల్ని రోజంతా ఆహ్లాదభరితంగా వుంచుతుంది. వంటగది మంచి వాసనలతో నిండివుండాలంటే సువాసనలనిచ్చే ఎయిర్ ఫ్రెషనర్స్ ఆ గదిలో వుంచటమే కాక ఇంకా అనేక సహజ మార్గాలున్నాయి. వాటిలో కొన్ని దిగువ పేర్కొంటున్నాం పరిశీలించి ఆచరించండి.

దాల్చిన చెక్క - దాల్చిన చెక్కకుగల సువాసన మిమ్మల్ని ఎల్లపుడూ ఆనందంగా వుంచుతుంది. దీని వాసన బ్రెయిన్ పవర్ అధికం చేస్తుందని కూడా చెపుతారు.

ఒలిచిన పండ్ల తొక్కలు - నిమ్మ, నారింజ, స్ట్రా బెర్రీ వంటి పండ్లను ఒలిచిన తొక్కలు కిచెన్ లో వుంచితే చక్కని సువాసనలనిస్తాయి.

పెప్పర్ మింట్ - కొంచెం బద్ధకంగా వుందనుకుంటే, పెప్పర్ మిట్ వాడకం చురుకునిస్తుంది. కిచెన్ లోని దుర్వాసనలు ఆపడమే కాక పెప్పర్ మింట్ మంచి శక్తిని కూడా ఇస్తుంది. రోజంతా పెప్పర్ మింట్ వాసన అనుభవిస్తూంటే అలసటలు, ఆందోళనలు దగ్గరకు చేరవు. మనం మరింత ఉత్సాహంగాను, మెళకువగాను వ్యవహరిస్తూంటాం.