బూట్లు, చెప్పులు శుభ్రం చేయాలంటే కొన్ని చిట్కాలు!

Improvement

oi-Nageswara

By B N Sharma

Published: Monday, October 10, 2011, 15:43 [IST]

పెద్దవారివైనా లేక పిల్లలవైనా సరే షూస్, చెప్పులు తేలికగా మురికి పట్టేస్తాయి. అందునా తెల్లటివైతే మరింత మురికి పట్టి పారవేసేందుకు సిద్ధమవుతాం. వీటిని మెయిన్టెయిన్ చేయటం చాలా కష్టంగా వుంటుంది. ప్రతిసారి పాలిష్ కుగాను బయటకు ఇచ్చి ఖర్చు చేయలేము, సమయం వెచ్చించనూ లేము. అందుకుగాను వాటిని ఇంటిలోనే పాలిష్ చేసుకోటానికి, నిర్వహించటానికి కొన్ని చిట్కాలు చూడండి.

1. ముందు బూట్లు బురద, మురికి, లేదా మట్టి తగిలించుకున్నాయోమో పరిశీలించండి. మరకలు తక్కువే అనుకుంటే ఒక కాటన్ గుడ్డను సోప్ నీటిలో తడిపి బూట్లను తుడవండి. ఈ చర్య బూట్లపైనా, చెప్పులపైనా వున్న మరకలను పోగొడుతుంది.

2. తెల్లని కాన్వాస్ బూట్లు లేదా చెప్పులు మెషీన్ లో వేసి వాష్ చేయాలనుకుంటే వాటి లేసులు తీసి వేడినీటిలో కడగండి. అవసరమైన డిటర్జెంట్ వాడండి. బ్లోయర్ వాడవద్దు. ఇది వాడితే షూస్ పాడవుతాయి.

3. బ్లీచ్, బేకింగ్ సోడా, లేదా కొద్దిపాటి డిటర్జెంట్ ను నీటిలో కలపండి. ఆ మిశ్రమంలో ఒక టూత్ బ్రష్ ముంచి మరకలు పోయేటంతవరకు వైట్ షూస్ శుభ్రం చేయండి.

4. కడిగే ముందు, బూట్లకు, లేదా చెప్పులకు వున్న దుమ్ము పూర్తిగా దులపండి. అరకప్పు వేడి నీరు. ఒక టేబుల్ స్పూన్ అమోనియా, కొద్దిపాటి సబ్బు కలిపిన మిశ్రమం తయారు చేయండి. బాగా కలపండి. మొదట బేకింగ్ సోడాలో ముంచిన టూత్ బ్రష్ తో శుభ్రపరచి తర్వాత దానిని ఈ మిశ్రమంలో ముంచి మరోసారి కడగండి.

5. తెల్లటి బూట్లను, చెప్పులను శుభ్రం చేయటానికి సాధారణంగా బేకింగ్ సోడా లేదా తెల్లని వినేగర్ వాడతారు. ఈ మిశ్రమాన్ని బూట్లకు రాసి పది నుండి పదిహేను నిమిషాలపాటు నానపెట్టండి. తర్వాత కడిగేయండి.

6. మరో చిట్కాగా, తెల్లటి బూట్లను, చెప్పులను శుభ్రపరచేందుకు టూత్ పేస్ట్ వాడండి. బ్రష్ ను వేడి నీటిలో ముంచి కొద్దిపాటి టూత్ పేస్ట్ ను బూట్లపై రుద్దండి. తర్వాత నీటితో కడిగి టవల్ లేదా గుడ్డతో బాగా తుడవండి.