రత్నాభరణాల నిర్వహణ ఎలా?

రత్నా భరణాలపై పెర్ ఫ్యూమ్ చల్లవద్దు. బాడీ లోషన్ వంటి వాటిని వాటికి ముట్టనివ్వవద్దు. మెటల్ లో పొదిగిన రత్నాలకు ఏ రకమైన కాస్మెటిక్ ద్రవాలు సరిపడవు. డైమండ్స్, శాఫైర్ వంటి రాళ్ళు పొదిగిన రత్నాభరణాలు వాషింగ్ పౌడర్ కలిపిన కొద్దిపాటి వేడి నీటిలో కొద్ది సమయం నానపెట్టండి. వాషింగ్ పౌడర్ స్ధానంలో సోప్ కూడా ఉపయోగించవచ్చు. అయితే, పగడపు రింగు వంటివి సోప్ తో వాష్ చేయవద్దు. దీనిని ఆల్కహాలుతో శుభ్రం చేయాలి.

రత్నాలను విలువ కట్టడమెలాగంటే, వాటి కేరట్లకు, వాటి కటింగ్ కు విలువ కడతారు. కటింగ్ చేయని వజ్రం కట్ చేసిన దాని విలువ కంటే తక్కువ వుంటుంది. రత్నాలపై కొద్దిపాటి గీత పడినా సరే దాని విలువ తగ్గుతుంది. మెత్తని గుడ్డను ఉపయోగించి శుభ్రం చేయండి. కడిగిన వెంటనే బాక్సులో పెట్టవద్దు. బయట పొడిగా ఆరనిచ్చి. పెట్టెలలో పెట్టండి. తడి వుంటే అవి పాడవుతాయి. నెక్లెస్ వంటి వాటిలో కనుక రత్నాలు పొదిగినట్లయితే, వాటిని తప్పక నిర్దేశిత బాక్సులలోనే వుంచండి. లేదంటే రాళ్ళు ఊడి పడిపోయే ప్రమాదం వుంది.

ఈ జాగ్రత్తలుపాటిస్తే, మీ రత్నాభరణాలు అనేక సంవత్సరాలపాటు విలువకలవిగా వుంటాయి.