ముత్యాల సరాలను భద్రపరిచేదెలా?

Improvement

oi-Nageswara

By B N Sharma

Published: Tuesday, October 11, 2011, 11:54 [IST]

ముత్యానికి మించిన ఆకర్షణ దేనికుంటుంది? ముత్యాలు పొదిగి చేసే నగలు ఎంతో అందంగా వుంటాయి. అయితే, వీటిని శుభ్రపరచటం కొంచెం కష్టమే మరి. ఎందుకంటే ఇపుడు వచ్చేవన్నీ కృత్రిమంగా తయారైన ముత్యాలే. సహజమైన ముత్యమైతే గట్టిగా వుంటుంది. అది తయారవ్వటానికి ఏన్నో ఏళ్ళు కూడా పడుతుంది. కనుక నేడు మనం పొందుతున్న ముత్యాలను చక్కగా భధ్రపరచుకోవాలంటే కొన్ని చిట్కాలను పరిశీలించండి.

ముత్యాలను శుభ్రపరచటంలో సెంట్లు మొదలైన ఎటువంటి సువాసన ద్రవ్యాలు వాడకండి. వాటిని ధరించే ముందుగానే మీ మేకప్, సెంట్ రాచుకోవటం వంటివి పూర్తి చేయండి.

ముత్యం ఉంగరం వుందా, స్నానం చేసేటపుడు తీసేయండి. ఘాటైన షాంపూలు, సోపులు లేదా నీరు అధికంగా దానిమీద పడటం వంటివి ముత్యానికి మంచిది కాదు. మీ చేతులకు బాడీ లోషన్ రాయటం పూర్తయిన తర్వాత ఉంగరం ధరిచండి.

ముత్యాలు డల్ గా వుండి మురికి పట్టాయా? మెత్తటి మజ్లిన్ గుడ్డ తీసుకొని వాటిని తుడవండి. గట్టిగా వుండే గుడ్డలు ముత్యపు పై భాగ కోటింగ్ ను పాడు చేస్తాయి.

తుడవటం సరిపోకపోతే, గుడ్డను తడి చేసి ముత్యాన్ని తుడవండి. అంతేకాని నీరు అధికంగా ముత్యంపై పోయకండి. ఎందుకంటే ముత్యాలు కట్టిన దారం కూడా తెగిపోయే ప్రమాదముంది.

నీటితో తుడిచిన తర్వాత కొంత పొడి అవ్వని్వండి. వెంటనే వాటిని ప్యాక్ చేసి వార్డ్ రోబ్ లో పెట్టేయకండి. పది నిమిషాలు ఫ్యాన్ కు ఆరపెట్టి అపుడు ప్యాక్ చేయండి.

శుభ్రం చేసిన తర్వాత వాటిని అన్నిటితో కలిపి ఒకే బాక్స్ లో పెట్టవద్దు. నిర్దేశిత బాక్స్ లో పెడితే ముత్యాలు నగలనుండి ఊడిపడకుండా వుంటాయి.

ముత్యాలను ఇతర జ్యూయలరీ తో కలిపి పెట్టద్దు. ముత్యాలపై వున్న షైనింగ్ కోటింగ్ దెబ్బతింటుంది.

ముత్యాలు కట్టిన దారం అపుడపుడూ తెగిపోతూంటుంది. అందుకని అది కొంచెం బలహీనమయిందనుకుంటే వెంటనే కొత్త నైలాన్ లేదా ఇతర తీగలతో చేర్చి మరోమారు తాజాగా దానిని తయారు చేసుకొని అలంకరించుకోండి.