అబ్బా! ఎంత హాయిగా వుందో...!

Improvement

oi-Nageswara

By B N Sharma

Published: Wednesday, November 2, 2011, 11:30 [IST]

రెస్ట్ రూమ్ లలో ఇప్పటివరకు సైక్లోనిక్ డ్రయ్యర్లే ఆధునిక టెక్నాలజీ అనుకుంటే ఇపుడు కమ్మోడ్ లు సైతం హైటెక్ అయ్యాయి. బాత్ రూమ్ పరికరాల తయారీలో పేరొందిన కొహ్లెర్ కంపెనీ ఇపుడు 'న్యూమి' అనే కమ్మోడ్ తయారు చేసింది. దీనికి టచ్ స్ర్కీన్ రిమోట్ కంట్రోలో కూడా వుందట. ఇక ఇది చేసే పని చూస్తే ఆశ్చర్యమే! దానిమీద కూర్చుంటే చాలు కడిగేయటం, వెచ్చగా ఆరబెట్టటం.

రిమోట్ కంట్రోల్ లో ఫ్లషింగ్, క్లీనింగ్, డ్రైయింగ్, మ్యూజిక్, హీటింగ్ లాంటివి కుటుంబ సభ్యులలో ఎవరికి ఎంత స్ధాయిలో కావాలో అంత స్ధాయిలో పెట్టుకునే సౌకర్యం కూడా వుందట. మగవారికి, ఆడవారికి విడి విడి సౌకర్యాలున్నాయి. టాయ్ లెట్ లోకి వెళితే చాలు, భూమిలోనుండి పైకి లేచి మిమ్మల్ని చూసి అది మూత తెరిచేస్తుంది. మీ కాలు ఎక్కడ పెట్టి కూర్చోవాలో అనేది ఒక ఎర్రటి వెలుగు కిరణం వేసి చూపిస్తుంది. మీ పనైపోతే కడిగేసి, ఆరబెట్టి, దానంతట అది ఫ్లష్ చేసుకుని మరల సీటుతో సహా లోపలికి వెళ్ళిపోతుందట.

పాదాలు తడి అయితే, వేడి కలిగిస్తుంది. అమెరికాలో ఒక్కసారి ఫ్లష్ చేస్తే 1.6 గ్యాలన్ల నీరు మాత్రమే వినియోగించాలనే రూలు మేరకు 'న్యూమి' రెండంటే రెండు సార్లే ఫ్లష్ చేసుకుంటుంది. అయితే, దీని సెన్సార్లు చాలా సున్నితంగా వుండి, మీకవసరం లేకున్నా దాని దగ్గరగా వెళితే చాలు కమ్మోడ్ పైకి లేచి మీకందించేస్తుందట. ఇన్ని సౌకర్యాలు కల హై టెక్ కమ్మోడ్ ఖరీదు వింటే దిమ్మ తిరగటం ఖాయం... వినండి మరి.... అక్షరాలా సుమారుగా రూ. 30 లక్షలట. చాలు కదా.....!