జీన్స్ గుడ్డలు వెలిసిపోకుండా ఉతకటం ఎలా?

1. జీన్స్ ఎపుడూ తిరగేసి ఉతకండి. వీటిని రెగ్యులర్ గా ఉతకవద్దు. నాణ్యత తగ్గుతుంది. గుడ్డ మందం కనుక 4 లేదా అయిదు మార్లు ధరించిన తర్వాత ఉతకవచ్చు.

2. జీన్స్ పేంట్ ఉతకాలంటే వాడే డిటర్జెంట్ పౌడర్ మంచి నాణ్యత కలిగి తేలికదై వుండాలి.

3. మందపాటి లేదా తేలిక రంగు అయినప్పటికి వాటిని చల్లటి నీటిలో ఉతకండి. వేడి నీటిలో నానపెడితే గుడ్డలో పటుత్వం పోతుంది.

4. జీన్స్ పేంట్ దళసరిగా రంగుపోకుండా వుండాలంటే దానిని ఒక ప్లాస్టిక్ కవర్ లో వుంచి 4 లేదా 5 రోజులు రిఫ్రిజిరేటర్ లో వుంచండి. మరకలు పోవుగాని దానిపైగల బాక్టీరియా నశిస్తుంది.

5. జీన్స్ పేంట్ చేతులతో ఉతకండి. బ్రష్ తో గట్టిగా రుద్దరాదు. ఇది కలర్ పోగొడుతుంది. బట్ట కుంగేలా చేస్తుంది.

6. డిటర్జెంట్ లో 10 నుండి 10 నిమిషాలు నానపెట్టి ఆ నురగ వదిలేందుకు 2 లేదా 3 సార్లు నీటితో కడగండి.

7. జీన్స్ ఉతికిన తర్వాత దానికి కండిషనర్ వాడండి. ఇది బట్ట మెత్తగా వుంచి రంగు నిలిచేలా చేస్తుంది.

8. వైట్ జీన్స్ ఉతకాలంటే, తెల్ల వినేగర్, అమోనియా మరియు బేకింగ్ సోడాలు ఒక బకెట్ లోకి తీసుకొని బాగా కలపాలి. కొద్దిపాటి సబ్బును కూడా నీటిలో కలిపి 15 నిమిషాలు నానపెట్టండి. మరకలన్ని పోయి తెల్లగా వచ్చేస్తుంది.

9, జీన్స్ పేంట్ వాష్ చేసిన తర్వాత దానికి డ్రైయ్యర్ ఉపయోగించవద్దు. ఇది జీన్స్ ను కుంగదీస్తుంది. స్ట్రెచ్ లేకుండా చేస్తుంది. ఉతికిన జీన్స్ ను పిండకుండా అలానే తాడుపై వేలాడదీసి ఆరపెట్టండి.