ఇంటి అలంకరణకు ఖరీదైనవే అవసంర లేదు...!

Published: Tuesday, June 12, 2012, 18:16 [IST]

A beautiful floating Flower Petal arrangements...!

సాధారణంగా మహిలలు తమ ఇల్లు అందంగా ఉండాలని ఎంతో శ్రమ పడుతుంటారు. అందుకోసం బోలెడంత డబ్బులు పోసి ఎన్నో.. ఎన్నెన్నో రకాలు కొంటుంటారు. అయినా అతిథులు వస్తున్నారంటే మళ్లీ ఇంకేదైనా కొందామా, ఏదైనా కొత్తగా అలంకరణ చేద్దామా అని ఆలోచిస్తుంటారు. అయితే చాలా మంది స్త్రీలకు ఒక సందేహం ఉంటుంది. అదేంటంటే ఖరీదైన బొమ్మలు, అలంకరణ వస్తువులు వల్లనే ఇంటికి అందం వస్తుంది అని. మన ఇరుగు పొరుగు వారు మన చుట్టాలను చూసి వాళ్లు ఎంత డబ్బు పెట్టి ఖరీదైనవి కొన్నారు. అందుకే వాళ్ళ ఇళ్లు అంత అందంగా ఉన్నాయి అనుకొంటారు. అయితే ఎంత ఖరీదైనవైనా సరే కొన్నా కొద్ది రోజలు తర్వాత చూడగా చూడగా బోర్ అనుపిస్తుంటుంది. అలా అని అంత ఖరీదైనవి చూసి చూసి పారేయలేం కదా....కాబట్టి మన ఇంటిని చిన్న చిన్న వాటితోనే అతి తక్కువ ఖర్చుతో ఎంతో అందంగా తీర్చి దిద్దుకోవచ్చును. ముఖ్యంగా ప్రతిసారి కొత్తగా అలంకరణ చేసుకోవచ్చును.

ఫ్లవర్ అరేంజ్‌మెంట్: డైనింగ్ టేబుల్, సెంటర్ టేబుల్ మీద పెట్టే పాట్‌లలో ఫ్లవర్ అరేంజ్‌మెంట్ లోలెవల్‌లో ఉండాలి. టీవీ, కార్నర్ టేబుల్ మీద, కార్నర్ స్టాండ్ కోసం హైలెవెల్ ఫ్లవర్ అరేంజ్‌మెంట్ చేయాలి. బెడ్‌రూముల్లో ఫ్లవర్ వాజ్‌లు పెట్టవచ్చు కానీ పాట్‌లో నీటిని పోస్తే దోమలు వస్తాయి. కాబట్టి నీరు లేకుండా పూలను అమర్చుకోవచ్చు. బెడ్‌రూముల్లో పూలు సువాసన భరితంగా ఉంటే ఆహ్లాదంగా ఉంటుంది. ఫ్లవర్ అరేంజ్‌మెంట్‌కోసం ప్రత్యేకంగా పూలను కొని అలంకరిస్తేనే ఇంటికి అందం వస్తుందనుకుంటే మాత్రం పొరపాటే. మన ఇంట్లో పూసిన ఏ పువ్వునైనా ఒక ఆకుతో కలిపి అలంకరిస్తే చాలు. అది గది అందాన్ని పెంచి తీరుతుంది. నేను అలాగే చేస్తాను. బంతి, మందార వంటి పూలతోనే డెకరేట్ చేసుకోచ్చు.

ఫ్లవర్ అరేంజ్ మెంట్ లో ముఖ్యంగా లోతు తక్కువగా ఉన్న పాత్ర(బౌల్) ఎంపిక చేసుకోవాలి. అందులో చల్లటి నీళ్లతో నింపి..తర్వాత అందులో మీకు నచ్చిన పువ్వులతో అలంకరణ చేసుకోవాలి. గులాబీలు, బంతులు, చేమంతులు, మందారం.. ఇలా చలా పువ్వులు ఉంటాయి. సువాసనలు కలిగినవి అయితే మరీ మంచిది. లేదా ఒకటి రెండు చుక్కలు ఏదైనా సెంట్ ఆ నీళ్ళలో వేస్తే సువాసనల గుభాళింపు గదంతా వెల్లువిరుస్తుంది. ఇలా చేయడం వల్ల కనీసం మూడు, నాలుగ గంటలైనా వాడకుండా ఉంటాయి.

ముఖ్యంగా బాగా వికసించిన ముదురు రంగు పువ్వులు మధ్యలో ఉంచి, అరవిరిసిన పువ్వులు చుట్టూరా పెట్టాలి. ఇలా చేస్తే అవి కూడా విచ్చుకుంటాయి. ఎరుపు, నేరేడు రంగు, ముదురు రంగు పువ్వులు ఒకే చోట కాకుండా మ్యాచింగ్ వుండేలా చూడాలి.

ఇలా ఫ్లవర్ అరేంజ్ మెంట్ చేసిన ఫ్లవర్ బౌల్ ను ఈశాన్యం మూలలో కానీ లేదా ఇంటి ముంగిట్లో కానీ, హాలు మధ్యలో కాని పెట్టుకోవచ్చును. తోటలోనూ పెట్టుకోవచ్చు. ఎత్తుగా టేబుల్ అరేంజ్ చేసుకొని దాని మీద పెట్టుకోచ్చు. పాత్రలు, పెద్దవి, చిన్నవి, అనేకమైన ఆకారాలలో దొరుకుతాయి. టెర్రకోట, ఇత్తడి, రాగి, రాతి, ప్లాస్టిక్ పాత్రలను వాడుకోవచ్చు. దాంతో అందం. ఆకర్షణ, ఆహ్లాదం చేకూరుతాయి.