బేసిక్ ఐడియాస్స్ తో మీ ఇంటిని డ్రీమ్ హౌస్ చేసుకోండి...

Improvement

oi-Saraswathi

By Sindhu

Published: Thursday, March 29, 2012, 14:33 [IST]

1. ఇంటికి వేసిన రంగును మార్చేయడం వీలుకావట్లేదు అనుకుంటే సింపుల్ గా నచ్చిన వాల్ పేపర్ ని తెచ్చి అతికిస్తే సరిపోతుంది.
2. ఇంట్లో హాలు, డైనింగ్ రూం, బెడ్ రూం, వంటగది ఇలా ప్రతి గదీ కొత్తగా కనిపించాలంటే డిజైన్ లో, ప్యాట్రన్ లో, రంగులో విభిన్న తరహాలలో ఉన్న వాల్ పేపర్స్ ని ఎంచుకోవాలి. సీజన్ కు తగ్గ వాల్ పేపర్స్ కంటికి మనస్సుకు ఆహ్లాదాన్ని ఇస్తాయి.
3. వంటగది, బాత్రూమ్స్ నీరు చెమ్మ ఎక్కువగా తగిలే చోట్లు కాబట్టి ఈ గదులలో వాల్ పేపర్స్ ని వాడకపోవడమే మంచిది.
4. ఇల్లు తుడిచే నీటిలో కాస్తంత ఉప్పు కలిపితే దోమలు, ఈగలు రాకుండా ఉంటాయి.
5. ఇల్లు తుడిచే స్పాంజిలను నీటిలో విదిలించి, ప్లాస్టిక్ బ్యాగులో చుట్టి పెడితే ఎండిపోయి, త్వరగా పాడవకుండా ఉంటాయి.
6. కర్ర సామాను మీద, నేలపై మంచు కురిసినట్లు చెమ్మపడుతూ ఉంటుంది. నీటిలో కొద్దిగా కడిగే సోడా కలిపి కడగి, తర్వాత మంచినీటితో మరోసారి కడిగితే మంచిది.
7. గది గోడలను ఖాళీగా వదిలేయకుండా అక్కడక్కడ వాల్‌ హ్యాంగింగ్స్‌, పెయింటింగ్‌లు అమరిస్తే ఆ అందమే వేరు.
8. గది మరీ చిన్నదిగా కనిపిస్తుంటే, కిటికీలకు లేతరంగు పరదాలు వేలాడదీయాలి. కనీసం రెండు పూలకుండీలు, మనీప్లాంట్‌ కిటికీలకు దగ్గరగా ఏర్పాటుచేయగలిగితే.. చూడముచ్చటగా ఉంటుంది. ఆహ్లాదంగానూ కనిపిస్తుంది.
9. ఇంట్లో కుర్చీల వంటి ఫర్నిచర్‌కు రంగు వేసేటపుడు నాలుగు కోళ్ళకింద సీసామూతలు ఉంచితే రంగు కారినా గచ్చుకు అంటుకోవు. ఫర్నీచర్‌ కొత్త వాటిలా మెరవాలంటే నీటిలో ఒక స్పూను టీ పౌడర్‌ కలిపి అందులో ముంచిన క్లాతుతో తుడవాలి. ఒక టేబుల్‌ స్పూను వెనిగర్‌ లో ఆలివ్‌ ఆయిల్‌ కలిపి తుడిస్తే ఫర్నీచర్‌ కొత్త వాటిలా మెరుస్తాయి.
10. ఇల్లు రెండు వారాల పాటు తాళం పెట్టి ఉంటే తలుపులు తెరవగానే ఒకలాంటి వాసన వస్తుంది. అలా రాకుండా ఎండాలంటే తలుపులు తెరచి ఒక పెద్ద ప్లేటులో కర్పూరం వెలిగించి అన్ని గదుల్లో కాసేపు ఉంచాలి. ఈగలను పారద్రోలడంలో మిరియాలు మంచి కీటకనాశినిగా పనిచేస్తుంది.