స్నానాల గదిని కళాత్మకంగా తీర్చిదిద్దడం ఎలా....!

సాధారణంగా ఇల్లంతా అద్దంలా శుభ్రంగా వుంచుకునేవాళ్ళు కూడా స్నానాల గది దగ్గరికి వచ్చేసరికి అలిసిపోతారు. స్నానాల గది సంగతి తర్వాత చూద్దాం అనుకుంటారు. తత్ఫలితంగా స్నానాల గది చిన్న చెత్తబుట్టలా తయారవుతుంది. మీయింటికి వచ్చిన అతిథులు కళాత్మకంగా అలంకరించిన మీ డ్రాయింగ్‌ రూమ్‌ ని చూసి మురిసిపోయి స్నానాల గది చూసి ముఖం చిట్లించుకుంటే ఎలా ? అలాంటి పరిస్థితి మీకు ఎదురు కాకుండా వుండాలంటే తగిన జాగ్రత్తలు అవసరం.

1. బాత్‌ రూమ్‌ చిన్నదైనా పెద్దదైనా టైల్స్‌వున్నా లేకపోయినా అందులో అవసరమైనవి మాత్రమే వుంచండి.
2. ఖాళీ షాంపూ బాటిల్స్‌, పౌడర్‌ డబ్బాలు, విరిగిపోయిన బకెట్లు మీ స్నానాల గదిలో వుంచకండి.
3. స్నానాల గదిలో హెన్నా, సబ్బు మరకలు పడితే యాసిడ్‌ పోసి శుభ్రంగా కడగండి.
4. అరిగిపోయిన సబ్బు బిళ్ళల ముక్కల్ని స్నానాల గదిలో చెల్లా చెదురుగా పడేయకుండా ఓ మగ్గులో నీళ్ళు తీసుకొని దాంట్లో వేస్తే లిక్విడ్‌ సోప్‌ తయారవుతుంది. ఈ నీళ్ళతో చేతులు కడుక్కోవచ్చు.
5. శానిటరీ నాప్‌ కిన్స్‌ లాంటివి ఎప్పుడూ ప్లెష్‌ లో పడేయకండి. దానివల డ్రైనేజీ సిస్టం దెబ్బతిని నీటి సరఫరా ఆగిపోతుంది.
6. ప్రతిరోజూ ఏదైనా డిటర్జంట్‌ తో బాత్‌ రూమ్‌ శుభ్రం చేసుకోండి.