ఇంట్లో దుమ్ము..ధూళి చేరకుండా....

Improvement

oi-Saraswathi

By Sindhu

Published: Wednesday, March 7, 2012, 13:14 [IST]

ప్రతిరోజూ ఉదయాన్నే నిద్ర లేచిన తర్వాత బెడ్‌ షీట్ తీసివేసి ఆరుబయట గాలికి తగిలేలా ఆరబెట్టాలి. ఇంటిని శుభ్రం చేసే సమయంలో బెడ్‌ పై ఏదైనా కప్పి ఉంచాలి. ఉదయం అంతా బెడ్‌ కు గాలి తగిలేలా ఉంచి, సాయంత్రం పడుకునే ముందుగా బెడ్‌ షీట్‌ ను తిరిగి పరిస్తే సరిపోతుంది. అలాగే దిండు కవర్లు, బెడ్ కవర్లు, బ బెడ్‌ షీట్లను వారానికొకసారి ఉతకాలి. వాటిని ఎండలో ఆరవేసినట్లయితే వాటిలో ఉండే దుమ్ము, మరకలు శుభ్రమవుతాయి.

టైల్స్‌ ను శుభ్రం చేస్తున్నప్పుడు ముందుగా వేడినీళ్లు చల్లి ఐదు నిమిషాలు అలాగే వదిలేయాలి. దీంతో వాటిపై చేరిన దుమ్ము నానుతుంది. ఆ తరువాత టైల్స్‌ ను బేకింగ్ సోడా, లెమన్ జ్యూస్‌ కలిపిన మిశ్రమంతో శుభ్రం చేయాలి. టైల్స్‌ ను తుడిచిన అనంతరం ఫ్యాన్ వేసి ఆరబెట్టాలి. దీంతో టైల్స్ బాగా ఆరి దుమ్ము చేరకుండా ఉంటాయి. టైల్స్ మరీ మురికిగా ఉన్నట్లయితే లెమన్ ‌జ్యూస్‌ కు కాస్తంత వెనిగర్ కూడా కలిపితే ఫలితం మీరే చూడొచ్చు..

సాధ్యమైనంతవరకు కిటికీలను మూసి ఉంచినట్లయితే ఇంట్లోకి దుమ్ము, ధూళి రాకుండా నిరోధించవచ్చు. లేదంటే కిటికీలకు కర్టెన్లను తగిలించినా దుమ్ము నుంచి కాస్తంతయినా రక్షణ లభిస్తుంది. కిటికీల అద్దాలను శుభ్రం చేస్తున్నప్పుడు బయటవైపు అడ్డంగానూ, లోపలివైపు నిలువుగానూ శుభ్రం చేయాలి. ఇలా చేయటంవల్ల ఏవైపు సరిగా శుభ్రం అవలేదో అర్థమవుతుంది. ఎప్పటికప్పుడు కిటికీలను శుభ్రం చేస్తూ ఉంటే, నల్లగా మురికిపట్టినట్లుగా ఉండవు. కిటికీలను శుభ్రం చేసే సమయంలో వెనిగర్‌ తో శుభ్రం చేయటం మంచిది.

ఇంట్లో వాడే అద్దాలను సోప్ వాటర్ స్ప్రే చేసి న్యూస్ పేపర్ తో తుడిచినట్లైతే క్లీన్ గా కనబడుతాయి. అలాగే వార్డ్ రోబ్, కబ్ బోర్డ్స్, బీరువాలను కూడా సోప్ వాటర్ లేదా ఏదేని సోప్ లిక్విడ్ స్ప్రే చేసి స్పాంజ్ తో తుడవాలి. తర్వాత పొడిబట్టతో తుడిచినట్లైతే తడి ఆరి దుమ్ము చేరకుండా ఉంటుంది. మనం నడవడం ద్వారా కూడా కాళ్ళ ద్వారానూ ఇంట్లో దుమ్ము ఎక్కువగా చేరుతుంది. కాబట్టి డోర్ మ్యాట్ ను తప్పకుండా ఉపయోగించాలి.