మీ ఇంటి సౌందర్యం మీ చేతుల్లోనే....

1. ఇల్లు అందంగా కనిపించాలని అనుకుంటే సరిపోదు. డ్రాయింగ్ రూం, లివింగ్ రూం, డ్రెస్సింగ్ రూం, డైనింగ్ రూం, హాల్, కిచెన్, కిడ్స్ రూం.. ఇలా ప్రతిదాన్ని అందంగా సర్దినప్పుడే వాటి సౌందర్యం మరింత ద్విగుణీకృతం అవుతుంది.
2. ఎప్పటికప్పుడు దుమ్ము, ధూళి దులపటం, రోజుకు రెండు పూటలా ఇల్లు తుడుచుకోవడం చాలా అవసరం. దాని తర్వాతే ఏ అలంకరణైనా. ప్రధాన ద్వారం ముందు, ఇంటికి చుట్టపక్కల మురికి గుంతల్లో నీరు నిలిచి ఉండకుండా చూసుకోవాలి.
3.. అక్వేరియం, వాటర్‌ ఫౌంటెన్‌ వంటి నీటికి సంబంధించినవి ఉంటే, ఎల్లప్పుడూ శుభ్రమైన నీరే ఉండేలా వాటిని చక్కబెట్టుకోవాలి.
4. అనారోగ్యానికి దారితీసే వాటిలో ప్రధానంగా వంటింటి గురించే చెప్పుకోవాలి. ఇక్కడ పరిశుభ్రత పాటించకపోతే అనారోగ్యాన్ని ఆహ్వానించినట్టే. కాబట్టి వంట చేసేటప్పుడు వ్యక్తిగత పరిశుభ్రత పాటించడంతో పాటు గది శుభ్రంగా ఉండాలి. స్వచ్ఛమైన గాలితో పాటు తగినంత వెలుతురు వచ్చేలా చూసుకోండి.
5. స్నానాలగదిని ఎప్పటికప్పుడు పరిశుభ్రంగా ఉంచాలి. దుర్వాసన రాకూడదు. ఈ గది తలుపుల్ని ఎప్పుడూ మూసిఉంచాలి. ముఖ్యంగా టాయిలెట్‌ సీట్‌ ను మూసి పెట్టాలి. బాగా ఒత్తిడికి గురయినట్లు అన్పిస్తే.. ముదురుఎరుపు వర్ణాలు ఉన్నాయోమో చుట్టూ చూడాలి. ప్రతికూల శక్తిని పెంచి పోషించే ఇలాంటి వాటిని గుర్తించి, రంగులు మార్చాలి.
6. అద్దాలు, ప్రతిబింబించే ఉపరితలాలు మంచానికి సరళరేఖలో ఉన్నాయోమో చూడాలి. అలా ఉన్నట్లయితే అద్దంలో ప్రతిబింబం పడకుండా తెరల్లాంటివి కప్పాలి లేదా, వాటిని అక్కడినుంచి మార్చి మరోచోట పెట్టాలి.
7. ఇంటి్కి తెలుపు రంగు సున్నం వేయడం వల్ల ఆ తెలుపు రంగు మనసుని ఎన్లప్పుడూ ఉత్తేజితం చేస్తుంది. ఎండను, చలిని తగ్గిస్తుంది. సూక్ష్మి క్రిములు నశిస్తాయి.
8. ఇంటి గుమ్మానికి పసుపు రాయడం వల్ల సూక్ష్మక్రిములు, విషక్రిములు లోనికి సులువుగా ప్రవేశించలేవు.
9. ఇంట్లో గచ్చు మీద ఈగలు ముసురుతున్నట్టయితే, కాసిని గోరు వెచ్చని నీటిలో కాస్త ఉప్పు కలిపి శుభ్రం చేస్తే ఈగలు దరి చేరవు.
10. వాడేసిన దోమల మ్యాట్‌లను పారేయకండి. నేలమీద ఏదైన ద్రవ పదార్ధం ఒలికినప్పుడు బ్లాటింగ్‌ పేపర్‌ లా ఉపయోగించవచ్చు.