ఫ్రిజ్ ఎక్కువ కాలం మన్నాలంటే నిర్వాహణా చిట్కాలు...!

Improvement

oi-Saraswathi

By Sindhu

Published: Saturday, March 31, 2012, 14:15 [IST]

ప్రస్తుత కాలం ఫ్రిజ్ అనే ప్రతి ఇంట్లో తప్పని సరిగృహోపకరణం. ప్రతి ఇంట్లో ఫ్రిజ్ వాడుకలో ఉంటోంది. కానీదాని వాడుకలో కనీస జాగ్రత్తలను పాటించకపోతే అదే ఇంటిల్లిపాదినీ అనారోగ్యాలపాలు చేయడంతోపాటు కరెంటు బిల్లును విపరీతంగా పెంచేస్తుంది కూడ. గృహిణులకు వంటింట్లో కీలకమైన వస్తువుగా మారిన రిఫ్రిజరేటర్‌ వాడకంలో జాగ్రత్తలు తీసుకుంటే ఎక్కువ కాలం మన్నుతుంది. కరెంటు ఖర్చు కూడా తగ్గుతుంది. వీటితో పాటు ఫ్రిజ్ లో ఉంచిన పదార్థాలు తాజాదనాన్ని కోల్పోకుండా ఉంటాయి. పోషకపదార్థలు నష్టపోకుండా ముఖ్యంగా వేసవికాలంలో ఫ్రిజ్‌లో ఆహార పదార్థాలను ఎలా నిల్వ చేసుకోవాలి అన్న విషయాన్ని తెలుసుకోవడం ప్రతి ఒక్కరికి అవసరం.

1. ఫ్రీజ్‌ లోపల సామర్థ్యానికి మించి ఎక్కువ వస్తువులు పెట్టకూడదు. తక్కువగా ఉంటే లోపల ఉండే చల్లని గాలి స్వేచ్ఛగా తిరగడానికి అవకాశం కలుగుతుంది.
2. పచ్చి పదార్థాలు, వండినవి ఒకేచోట కాక వేర్వేరుఅరల్లో పెట్టాలి. లేకపోతే ఒకదాని వల్ల ఇంకొకటి పాడయ్యే ప్రమాదం ఉంది. వండిన పదార్థాలు పైన, పచ్చి పదార్థాలను కింద ఉంచడం మంచిది.
3. ఫ్రిజ్‌ లోనేకదా అని పదార్థాన్ని ఎక్కువ రోజులు నిల్వ ఉంచకండి. ఫ్రిజ్‌ లో పెట్టినంత మాత్రాన అవి చాలా రోజులు పాడవకుండా ఉంటాయనుకోవడం భ్రమ మాత్రమే.
4. ఫ్రిజ్‌ లో చిందిన పదార్థాలు, గడ్డ కట్టిన ఐస్‌ వంటి వాటిని ఎప్పటికప్పుడు శుభ్రం చేయాలి. ఇలా చేస్తే లోపల ఉన్న పదార్థాలు విషపూరితం కాకుండా జాగ్రత్త పడవచ్చు.
5. వేడి పదార్థాలను చల్లారిన తర్వాతే ఫ్రిజ్‌ లో పెట్టాలి. అతివేడివి పెడితే లోపల ఉష్ణోగ్రత పెరిగి సూక్ష్మజీవులూ పెరుగుతాయి. తలుపును ఎక్కువ సేపు తెరిచి ఉంచితే ఫ్రిజర్‌ లోపల ఉష్ణోగ్రత పెరిగి సూక్ష్మజీవులు వ్యాపిస్తాయి. 6. నీటి పరిమాణం ఎక్కువగా ఉండే పుచ్చకాయ వంటి వాటిని సిల్వర్‌ ఫాయిల్‌లో ఉంచాలి. లేకపోతే నీరు అంతాపోయి, ఎండిపోవడమేకాక పోషక విలువలు కూడా మాయం అవుతాయి.
7. ఒకసారి డీప్‌ ఫ్రీజర్‌ లోంచి తీసిన పదార్థాలను తిరిగి ఫ్రీజర్‌ లో ఉంచొద్దు. ఒకసారి బయట పెట్టిన ఆహారంపై బ్యాక్టీరియా పెరగడం ప్రారంభం అవుతుంది. దాన్ని మళ్లీ లోపల పెడితే ఆ బ్యాక్టీరియా ఎక్కువవుతుంది. అందువల్ల అవసరమైనంత వరకు తీసుకుని మిగిలింది లోపలే ఉంచాలి.
8. బేకరీ పదార్థాలు ఫ్రిజ్‌లో ఉంచాల్సిన పనిలేదు. ప్లాస్టిక్‌ కవర్‌లో చుట్టిపెడితే రెండురోజులు నిల్వ ఉంటాయి.
9. యాపిల్‌, బొప్పాయి, ద్రాక్ష మొదలగు పండ్లను వారానికి మించి ఉంచకూడదు. అరటి పళ్లను ఫ్రిజ్‌లో పెట్టకూడదు. గట్టిగా అయిపోతాయి.
10. చాలా మంది విద్యుత్తు ఆదా అవుతుందని రాత్రివేళ ఫ్రిజ్‌ ను ఆఫ్‌ చేసి ఉదయాన్నే ఆన్‌ చేస్తారు. ఇది సరైన పద్దతి కాదు.ఇలా చేయడం వల్ల లాభం కన్నా నష్టాలే ఎక్కువగా ఉంటాయి. ఫ్రిజ్‌ లో ఆటోమెటిక్‌ గా ఆన్‌ ఆఫ్‌ విధానం ఉంటుంది.