మహిళలు మెచ్చే ముత్యాల సరాలు....

Published: Tuesday, February 21, 2012, 16:01 [IST]

స్త్రీ ప్రకృతి సృష్టించి అందం. ఎంత అందంగా అలకంరించుకుంటే అంతం అందంగా కనిపిస్తుంది. ముఖ్యంగా స్త్రీ అలంకరణలో ముందుగా చూసేది కట్టు..బొట్టు..ఆభరణాలు..మగువ అందానికి అలంకరణ, ఆభరణాలు. అలంకరణ అనేది ప్రాచీన కాలం నుంచి వస్తున్న సాంప్రదాయం. వేసుకునే నగలు బంగారం కావచ్చు. లేదా వెండి కావచ్చు. ఇత్తడి లేదా ముత్యాలు పొదిగిన నగలు కావచ్చు. ప్రస్తుతం బంగారం నగల రేటు భగ్గుమంటున్నా రాను రాను వీటిపై మోజు పెరుగుతూనే ఉంది. నగలు వేసుకోవాలనే ఫ్యాషన్ మరింత పెరుగుతూ వస్తోంది. అవి చిన్న..పెద్ద సైజులతో తేడా లేకుండా అన్ని రకాల నగలపై మహిళలు మక్కువ చూసిస్తూనే ఉన్నారు. ముత్యాల నగలైతే ఇక చెప్పనవసరం లేదు. ఈ నగలు ఎక్కువ ఖరీదైనవి కూడా కాదు. ఎన్ని ఎక్కువ సార్లు వేసుకుంటే అన్నిసార్లు ఎక్కువ మెరుపు వస్తుంది. ముత్యాలను ఒక్కసారి కొన్నతర్వాత వాటిని కొంచెం జాగ్రత్తగా చూసుకుంటే అవి చాలాకాలం మన్నికగా ఉంటాయి. మీకు కొత్త లుక్ ను ఇస్తాయి...

1. ముత్యాలను తరచు ప్లాస్టిక్ లేదా పట్టుదారంతో గుచ్చుతారు. వీటిని చాలాకాలం ఉపయోగించిన తర్వాత బలహీనపడతాయి. ప్రతి రోజూ వేసుకునే ఆభరణాలను 4-6 నెలల తర్వాత వైర్ లేదా దారం మార్చాలి. లేకపోతే ముత్యాలు రాలిపోతాయి.
2. ముత్యాల నగలను డబ్బాల్లో పెడుతున్నప్పుడు జాగ్రత్త వహించాలి. తొందరపాటులో డబ్బా లేదా మూత మధ్యలో ఇరుక్కోకుండా చూసుకోవాలి.
3. ముత్యాల నగలు చాలా ఉన్నట్లైతే వాటిని విడివిడిగా ఉంచాలి. ఎందుకంటే ఓకే చోట ఉంచడం వల్ల ఒకదానికొకటి చిక్కు పడే అవకాశం ఉంది. మళ్లీ విడదీయడానికి ప్రయత్నిస్తే అవి విడిపోతాయి.
4. ముత్యాలను కాస్లీ కెమికల్ కాస్మోటిక్స్, పెర్ ఫ్యూమ్ లాంటి వాటికి దూరంగా ఉంచాలి. లేకపోతే వాటి మెరుపు తగ్గిపోతాయి.
5. ముత్యాలను తెల్లని, పల్చని కాగితంలో చుట్టి పెట్టాలి. ముత్యాల నగలు మురికిగా మారినప్పుడు పాలిషింగ్ కి, శుభ్రం చేయడానికి బయట ఇవ్వడం కంటే ఇంట్లోనే కుంకుడు కాయ నురుగుతో శుభ్రం చేసి, పొడిబట్టతో తేమ పోయేవిధంగా తుడిచి, ఆలివ్ ఆయిల్ ను రాసినట్లైతే ముత్యాలు మిలమిల మెరిసిపోతాయి.