చిన్న ఇల్లు అయినా సరే అతి విశాలంగా...

Improvement

oi-Saraswathi

By Sindhu

Published: Tuesday, April 3, 2012, 14:20 [IST]

సాధారణంగా ఇంటి అలంకరణలో చిన్న ఇల్లైనా..పెద్ద ఇల్లైనా అలంకరించుకునే విధానంలోనే ఆ ఇంటి సౌందర్యం దాగుంటుంది. చిన్న ఇంట్లో ఏవి ఎక్కడ పెట్టాలో తెలియక చాలా మంది సతమతవుతుంటారు. ఒక ప్రక్క ఫర్నీచర్, మరో ప్రక్క ఇంటి వేసే రంగులు, ఇంట్లో కనిపించే అందమైన వస్తువులు, ఇలా అన్నీ ఉన్నా ఆ ఇల్లు అందంగా కనిపించదు. కారణం ఆ ఇట్లో సర్ధుబాటు కరువెడి ఉండటమే. సుర్దుబాటు అనేది హాల్లో ఏముండాలి, కిచెన్ లో ఏమేమి పెట్టుకోవాలి, అలాగే బెడ్ రూం, డ్రాయింగ్ రూం..వరండా ఇలా అన్నిరూంలో సర్దుబాటు చేసుకొంటే చిన్న ఇల్లైనా చాలా అందంగా కనిపిస్తుంది. చిన్న ఇంట్లో ఎక్కువ సామాగ్రి ఉన్నప్పు కొన్ని చిన్న చిన్న చిట్కాలు ఉపయోగిస్తే చిన్న ఇల్లైనా పెద్దదిలా కనిపించాల్సిందే...అదేలా అంటే...

మొదట వరండా..వరండాలో చెప్పుల వదులుతారు. అవి ఎలాఅంటే అలా చిందరవందరగా ఉన్నట్లైతే ఆ వరండాకే అందం కరువౌతుంది. కాబట్టి చెప్పులు పెట్టుకోవడానికి చెక్కతో, లేదా స్టీల్ తో, లేదా ప్లాస్టిక్ తో చేసి షూ స్టాండ్స్ బయట మార్కెట్లో దొరుకుతున్నాయి. అలాంటి వాటిని అరేంజ్ చేసుకొన్నట్లైతే ఆ వరండా అందమే మారిపోతుంది. తర్వాతది హాలు: హాలు లో ముఖ్యంగా ఉండాల్సి ఫర్నీచర్. ఈ ఫర్నీచర్ ను గోడలకు ఆనించి పెట్టడం మంచిది. ఇలా చేయడం ద్వారా అటూ ఇటూ తిరగేందుకు చోటు విశాలంగా ఉంటుంది. సోఫాదీవానాలు కొనే ముందు గది పొడవు, వెడల్పులు దష్టిలో పెట్టుకొని కొనడం మంచిది. సోఫా..దీవాన్ వంటివి ఒక కోణంలో పెట్టడం ద్వారా ఆ గడి పొడుగ్గా ఉన్న భావన కలుగుతుంది.

హాలుకైనా, బెడ్ రూం కైనా, డ్రాయింగ్ రూం కైనా ఫర్నీచర్ ను కొనేటప్పుడు ఎంపిక విధానంలో అవి బహువిధాలుగా ఉపయోగపడేలా ఉడేవిగా చూసి కొనుగోలు చేసుకోవాలి. ఉదాహరణకు టీవీ స్టాండ్ తీసుకునేటప్పుడు ఎక్కువ సెల్ఫ్ లు ఉన్న దానిని తీసుకుంటే డివిడిలు, పుస్తకాలు, వాటిలో దాచుకోవచ్చు. అలాగే ఫోటో ఫ్రేమ్ లు, ఫవర్ వాజ్ లు షోకేష్ అలంకరణలు అందులో సర్దుకొని టీ స్టాండ్ కు కొత్త అందాలు తీర్చిదిద్దవచ్చు. అలాగే సోఫా కం బెడ్ వంటి వాటిని తీసుకోవడం వల్ల అవి బహుళార్థక ప్రయోజనాలు ఇస్తాయి. అందులో బట్టలు, పుస్తకాలు, సామాన్లు వంటి వాటిని పెట్టుకొనుటకు అనుకూలంగా ఉంటుంది.

వంటగది: వంటగదిలో బెంచీలు స్టోర్ చేసుకునేందుకు, కాఫీ టేబుల్ గా ఉపయోగించేందుకు అదనంగా కూర్చోవడానికి ఇవి ప్రయోగనకరంగా ఉంటున్నాయి. వంటగది విశాలంగా కనిపించాలంటే ఆ గదిలో అల్మరాలు గోడలోపలకు పె ట్టుకోవడం సరైనది. తద్వారా అన్ని వస్తువులను వాటిలో పెట్టుకోవచ్చు. అలాగే వంట గట్టు కింద అరలు పెట్టుకోవడం వల్ల కూడా గది చిందరవందరగా కనిపించకుండా ఉంటుంది. డైనింగ్‌ రూం... డైనింగ్‌ రూం పెద్దగా కనిపించాలంటే చేయాల్సింది టేబుల్‌ సైజ్‌ను చిన్నదిగా ఉంచడమే. చిన్న డైనింగ్‌ టేబుల్‌ లేదా మడిచిపెట్టుకునే అవకాశం ఉన్నదానిని ఉపయోగించడం వల్ల మాత్రమే ఆ గది విశాలం గా కనిపించగలదు. అలాగే మూల అల్మరాలో గాజు సామాన్లు పెట్టుకోవడం, అలాగే జాడీలు వంటి వాటిని పెట్టుకోవడం వల్ల గది ఇరుకుగా కనిపించదు.

గదుల్లో ఎక్కడబడితే అక్కడ బుక్స్, పేపర్లు, బట్టలు, చెప్పులు వంటివి పెట్టుకోవడం వల్ల ఆ ఇల్లు కిక్కిరిసినట్టుగా కనిపిస్తుంది. కనుక గోడకు ఫిక్స్ చేసుకునే షూరాక్స్, మ్యాగజైప్ ర్యాక్స్ ఏర్పాటు చేసుకోవడం వల్ల వాటన్నింటినీ గోడల మీదకు ఎక్కించేయవచ్చు. ఇలా చేయడం ద్వారా చిన్న ఇంట్లో ఎక్కువ స్థలం ఏర్పడుతుంది. సాధ్యమైనంత వరకూ వార్డ్‌రోబ్స్‌ వంటివి గోడలకే ఫిట్‌ చేయించుకోవడం మంచిది. అలాగే డ్రెస్సింగ్‌ టేబుల్‌ పెట్టి ఉన్న చోటును మింగేయకుండా గోడలకు అద్దాలను బిగించడం వల్ల గది కాస్త విశాలంగా ఉన్నట్టు కనుపిస్తుంది. అలాగే మంచంకన్నా పెద్దగా ఉండే వస్తువు ఏదీ ఆ గదిలో ఉండకూడదన్న విషయాన్ని గుర్తు పెట్టుకొని దానిని సర్దుకోవాలి. బెడ్‌రూంలో గోడలకు అన్నీ తగిలించడం వల్ల కూడా గది చిన్నగా అనిపించే అవకాశమున్నందున గది గోడలను కూడా సాధ్యమైనంత ఖాళీగా ఉంచడం మంచిది.