స్నానించడంలో ఉన్న మాధుర్యాన్ని పొందాలంటే...?

Improvement

oi-Saraswathi

By Sindhu

Published: Friday, February 10, 2012, 15:19 [IST]

ఇల్లు శుభ్రంగా ఉంటే మనసు ఆహ్లాదకరంగా ఉంటుంది. వాడుకలోలేని పాతసామాన్లు పేరుకుపోవడంవల్ల ఇంట్లో అపరిశుభ్రతజ. కాబట్టి పాత వస్తువులను వదిలించుకోండి. కొందరిళ్ళలో ముందుగది శుభ్రంగా ఉంటుంది. ఇంటికి వచ్చిన అతిథులు ఆ గదిని చూసి ముచ్చటపడతారు. ఏ కారణంతోనైనా లోపలి గదుల్లోకి తొంగిచూస్తే వారు తమ అభిప్రాయాలను మార్చుకోవలసి వస్తుంది. లోపలి గదులు అపరిశుభ్రంగా ఉంటాయి. ఇంట్లోని అన్ని గదులను శుభ్రం చేయడం అవసరం. మంచాలకింద, తలుపులు, కిటికీల వంటివి తరచూ శుభ్రం చేస్తూ ఉండాలి. బాత్రూమ్‌ క్రమం తప్పకుండా శుభ్రం చేయాలి. ఇంట్లో పరిశుభ్రతను పాటించడం అంటే మన ఆరోగ్యం, ఆనందం, ప్రశాంతం కోసమే తప్ప ఇతరుల మెప్పు పొందేందుకు కాదన్న సత్యాన్ని గుర్తించాలి.

స్నానం' ప్రతి మనిషికి మంచి ఉత్సాహాన్ని, ఉల్లాసాన్ని, కొత్త శక్తిని ఇస్తుంది. అయితే బాత్‌రూమును శుచిశుభ్రతలకు నిలయంగా కళాత్మకంగా తీర్చిదిద్దుకున్నపుడే స్నానించడంలో వున్న మాధుర్యాన్ని సంపూర్ణంగా అనుభవించగలం. అలాగే స్నానాల గదిలో నిత్యం వాడే వస్తువులు, విద్యుత్‌ ఉపకరణాలు, తదితరాలన్నింటినీ సరైన స్థానంలో ఉంచుకోగలిగితేనే స్నానంలో ఉండే ఆనందాన్ని అనుభవించగలుగుతాం. అందుకోసం ఈ కింది సూచనలను అందుకోండి.

బేసిన్లు : సాధారణంగా పింగాణీతో తయారయ్యే ఈ వాష్‌ బేషిన్లను శుభ్రం చేయడానికి ఇంట్లో వాడే బ్లీచింగ్‌ పౌడరును ఉపయోగించవచ్చు. శుభ్రపరచాలనుకొనే బేసిన్లపై మొదట బ్లీచ్‌ లో ముంచిన పేపర్‌ టవళ్లను అరగంట సేపు ఉంచాలి. తర్వాత దానిపై టార్టర్‌ క్రీమును వేసి మరీ తడిగా లేని బట్టతో తుడిచేస్తే బేసిన్‌ తెల్లగా తళతళలాడుతుంది.

డ్రెయిన్లు: బాత్‌రూమ్‌ లోవాడే నీరు బయటికి పోయేందుకు వీలుగా డ్రెయిన్లు కట్టుకోవాలి. తలస్నానం చేసేటప్పుడు జుట్టుతోబాటు కుంకుడుపిప్పి ఇంకా వ్యర్థపదార్థాలు పోయే మార్గానికి అడ్డుపడవచ్చు. కాబట్టి ఆశ్రద్ద చేస్తే ఎక్కడి నీరక్కడే నిలిచిపోయి ఇబ్బందికరంగా మారుతుంది. హెయిర్‌ పిన్నుతో డ్రైయిన్లో అడ్డుపడిన వెంట్రుకలను సులువుగా తొలగించవచ్చు.

షవర్లు: మనసుకు హాయిని, స్నానాను భూతిని కల్గించడంలో ప్రధాన పాత్ర వహించేవి షవర్లు. నచ్చిన విధంగా నీటిని విరజిమ్మే ఈ షవర్ల నిర్వహణపట్ల ప్రత్యేక శ్రద్ధ చూపాలి. వీటిని శుభ్రం చేయడానికి పొడవైన హ్యాండిల్స్‌ ఉండే బ్రష్షులను వాడితే అవి షవర్‌ అన్ని మూలలనూ చక్కగా మెరిసేలా చేస్తాయి. షవర్‌ ట్రేలను శుభ్రపరచి ఆరిన తర్వాత వాటిపైన మిథైలేటెడ్‌ స్పిరిట్లు నీరు, కిరోసిన్‌ ఈ మూడింటి మిశ్రమ ద్రావణంతో బాగా రబ్‌ చేయాలి. తర్వాత మెత్తని గుడ్డతో తుడిస్తే ట్రేలు తళతళలాడతాయి.