ఇంట్లో ఎలక్ట్రానిక్ వస్తులు క్లీన్ చేయడంతో కరెంట్ ఆదా....

Improvement

oi-Saraswathi

By Sindhu

Published: Saturday, January 7, 2012, 16:33 [IST]

ఇంట్లో ఎలక్ట్రానిక్ వస్తువుల్లోకి దుమ్ము, ధూళి చేరడం వల్ల వాటి పనితీరు మందగిస్తుంది. ముఖ్యంగా సీలింగ్ ఫ్యాన్ ఎత్తులో వుండటం వలన, దానిని శుభ్రం చేయాలంటే అశ్రధ్ధ చేస్తాము. పదునైన బ్లేడ్లు చేతి వేళ్ళను కోసే ప్రమాదం వుంది. మీరు నిలబడేటపుడు గట్టి అయిన స్టూలు పై నిలబడ్డామా లేదా అనేది పరిశీలించండి. దుమ్ము పీల్చకుండా ముక్కుకు గుడ్డ కట్టండి. ఫ్యాన్ లను శుభ్రం చేయటం అవసరం. లేదంటే దానిపై పేరుకునే దుమ్ము కణాలను అది తిరిగినంత సేపూ పీల్చటం లేదంటే, ఆహార పదార్ధాలలో పడే అవకాశం కూడా వుంది.

2. సీలింగ్ ఫ్యాన్ భాగాల్లోకి దుమ్ము చేరడం వల్ల ఫ్యాన్ ఒక నిర్దిష్టమైన కరెంటుతో ఎంత వేగంగా తిరగాలో అంత వేగంగా తిరగడం మానేస్తుంది. ఫ్యాన్ మనకు కావలసినంత వేగంగా తిరగడం కోసం రెగ్యులేటర్‌ ని మరో పాయింట్ పైకి మారుస్తాము. అంటే ఇదివరకు తక్కువ కరెంటుతో పొందే వేగాన్ని (ఫ్యాను) సాధించడానికి ఇప్పుడు అంతకన్నా ఎక్కువ స్థాయి కరెంటుని ఖర్చు చేస్తున్నాం.

3. ఫ్యాన్ ను ఊడతీయకుండా శుభ్రం చేయాలంటే, ఒక ఎత్తైన స్టూలుపై నిలుచుని రెక్కలను శుభ్రం చేయవచ్చు. అయితే నీటితో కడగటం సాధ్యం కాదు. అయితే, ఒక బ్రష్ ను నీటిలో ముంచి శుభ్రం చేయవచ్చు. బ్రష్ తో శుభ్రం చేసిన తర్వాత ఒక స్పాంజి తీసుకొని సబ్బు నీళ్ళలో ముంచి దానితో బ్లేడ్లను శుభ్రం చేయండి. దీని తర్వాత వేడినీటిలో ముంచిన గుడ్డతో బ్లేడ్లను తుడవాలి. తర్వాత మంచి పొడి బట్టతో ఫ్యాను తుడిచేయండి. ఫ్యాన్ తళతళలాడుతూ శుభ్రంగా వుంటుంది.

4. టీవీలో దుమ్ము చేరడం వల్ల పిక్చర్ నాణ్యత తగ్గిపోవడంతో పాటు ఇతర సమస్యలు తలెత్తుతాయి. ఇవి కంటి మీద ప్రభావం చూపుతాయి. ఎలక్ట్రానిక్ వస్తువులను ఏడాదికి ఒక్కసారైనా 'శుభ్రం' చేస్తుంటే అవి సమర్థంగా పనిచేసి పర్యావరణానికి పరోక్షంగా మేలు చేస్తాయి.