వంటగది శుచి-శుభ్రతలే ఆరోగ్యానికి శ్రీరామ రక్ష

Improvement

oi-Saraswathi

By Sindhu

Published: Thursday, February 16, 2012, 15:49 [IST]

ప్రతి ఇంట్లో ఏ గది ఉన్నా లేకపోయినా వంటగది తప్పనిసరి. వంటగది ఇంట్లో నివసించే వారి తోపాటు ఇంట్లో వాళ్ల శుభ్రత, క్రమపద్ధతిని కూడా ప్రతిబింబిస్తుంది. అంతే కాకుండా ఇంటి ఆరోగ్యం ఈ గది మీదనే ఆధారపడి ఉంటుంది. వంటగదిని సక్రమంగా నిర్వహించడం ఇల్లాలికి చాలెంజింగ్ జాబ్ అనే చెప్పాలి. ఆరోగ్యకరమైన ఇంటికి ఆరోగ్యకరమైన వంటగది ముఖ్యం అందుకు కొన్ని సూచనలు పాటిస్తే సరి...

1. ప్రతి రోజూ ఉదయాన్నే పళ్ళు రుద్ది, స్నానం చేసిన తర్వాత మాత్రమే వంటగదిలోకి వెళ్లాలి. ఇది అలవాటుగా మారితే అనేక అనారోగ్యాలను దూరంగా ఉంచవచ్చు.
2. జలుబు, దగ్గు, విరేచనాలు, వైరల్ ఫీవర్ వంటి అంటువ్యాధులతో బాధపడుతున్న సమయంలో వంటగది ఛాయలకు వెళ్లకూడదు. ఎందుకంటే వారి నుండి ఇంకొకరి సంక్రమించే అవకాశం ఉంది.
3. వంటగదికి వెంటిలేషన్ బాగా ఉండాలి. ఎందుకంటే ఎంత గాలి వెలుతురు ఉంటే అంత మంచిగా ఉంటుంది. ఎప్పుడూ ఏదో ఒకటి తయారు చేస్తాఉంటాం వాటి వాసనలు, మిగిలిపోయిన పదార్థాల వాసనలు ఇలాంటివి స్ప్రెడ్ అవకుండా ఉంటుంది. గాలి రావడానికి, వెళ్లడానికి వీలుగా కిటికీలను తెరిచి ఉంచాలి.
4. స్టౌ పెట్టే ప్లాట్‌ ఫామ్‌ ను, స్టౌ మీద, స్టౌ మీద నుండి పొంగిన పాలు, గెంజి, నేల మీద పడిన నూనె మరకలు, ఆహారపదార్థాలను ఎప్పటికప్పుడు స్పాంజ్ తో తుడిచేయాలి. వాటిని అలాగే వదిలేస్తే బ్యాక్టీరియాకు ఆవాసాలవుతాయి. ప్లాట్‌ ఫామ్ మీద వెనిగర్ చల్లి తుడిస్తే బ్యాక్టీరియా నశిస్తుంది.
5. ఆహార పదార్థాలను ప్లాస్టిక్ కవర్లలో ప్యాక్ చేయరాదు. ప్లాస్టిక్ తయారీలో ఉపయోగించే రసాయనాలు, విషపదార్థాల అవశేషాలు ఆహారపదార్థాలను విషపూరితం చేస్తాయి.
6. వంటగదిలో డస్ట్ బిన్ లోని వ్యర్థాలను పారేసి అలాగే పెట్టేయకుండా డస్ట్‌ బిన్‌ ను రోజూ శుభ్రంగా కడగాలి.
7. డోమెక్స్, బ్లీచింగ్ వంటి క్లీనింగ్ ఎలిమెంట్స్‌ను ఆహార పదార్థాలు, వంటదినుసులకు దగ్గరగా ఉంచకూడదు. వీటి కోసం విడిగా ఒక అర కేటాయించాలి.
8. వంటగదిలో వాడే టవల్స్ ఎప్పుడూ శుభ్రంగా ఉండాలి. డిటర్జెంట్‌ తో ఉతికిన తర్వాత వేడినీటిలో ముంచి, బాగా ఎండ తగిలే చోట ఆరేయాలి. వాడిన టవల్స్‌ ను తడిపి సింక్‌ లో వదిలేయడం ఆరోగ్యకరమైన అలవాటు కాదు.