ఇంటి అలంకరణలో కుషన్ల ప్రాధాన్యత.. వినియోగత...!

Published: Thursday, May 24, 2012, 16:37 [IST]

Tips to clean and maintain Couch Cushions....!

ఇంటి అలంకరణ ఓ కళ అనే చెప్పక తప్పదు, టీపాయ్‌ మొదలు, టివి స్టాండ్‌ వరకు, కర్టెన్‌ మొదలు సోఫా కవర్‌ వరకు అన్నీ ఆహ్లాదం పరిచేలా ఉండాల్సిందే.. ఇందు కు ఖర్చుకు వెనక్కి తగ్గకుండా.. తమ శక్తి కొలది కొనుగోలు చేస్తూ... ఇంటిని అలంకరించు కుంటున్నారు అంతా. ఇంటికి వచ్చే అతిధులు ఎక్కువసేపు ఉండే డ్రాయింగ్‌ రూంలపైనా బాగా శ్రద్ద వహిస్తున్నారు. వచ్చే వారే కాదు... తాము కూడా అలసి సొలసి వచ్చి ఇంట్లో కాసేపు టివి చూసేందుకు హాయిగా ఏ దివాన్‌ పైనో, సోఫా లోనో కూర్చొనేలా వాటికి తగ్గ ట్టుగా ఎన్నో కుషన్‌లను కొనుగోలు చేసి అనేక హంగులతో వాటికి కవర్లు కుట్టి స్తూ... కొత్త అందాలతో ఆకర్షించే ప్రయత్నం చేస్తున్నారు.

ఇక ఆఫీస్‌లలోనూ సోఫాల కుషన్‌లకు ప్రత్యేక అలకరణ తప్పని సరి అయ్యింది. వచ్చిపోయేవారు కాసే పైనా రిలాక్సయ్యే లా మెత్తని కుషన్‌ని గోడరంగులకు, కర్టెన్ల రంగు లకు తగ్గట్టుగా చూడముచ్చటి రంగుల్లో కవరు తొడుగుతున్నారు. ఇప్పటికే మార్కెట్‌లో ఇబ్బడిముబ్బడిగా అనేక కుషన్‌ కవర్లు, డిజైన్లు లభ్యమవుతున్నాయి. ఆఫీసైనా,ఇంట్లో డ్రాయింగ్‌ రూం అయినా... బాల్కనీలోనో... లాన్‌లో ప్రత్యేకంగా చేయించుకున్న ఊయల అయినా... మెత్తని కుషన్లు ఎంతలా కోరుకుంటున్నారో... వాటికి కొత్త అందాలను సంతరించుకునేలా కవర్‌ డిజైన్లపైనా అంతే మక్కువ చూపిస్తున్నారు. అయితే కుషన్లు ఎంతగా ఉపయోగిస్తున్నార వాటిని వినియోగించుటలో కూడా అంతే జాగ్రత్తలు తీసుకోవాలి లేదంటే అవి చూడటానికి బాగుండవు. తరుచూ మనం వినియోగించుకోనే సోఫా కుషన్లు చాలా సులభంగా మురికి పట్టిపోతుంటాయి. వాటిని నెలకోసారైనా కుషన్ల కవర్లను తీసి శుభ్రం చేస్తుంటాం. అయితే వాటిని ఎక్కువ కాలం మన్నేలా ఎలా శుభ్రం చేయాలి. మంచి సువానలు కలిగి ఉండాలే ఎలా పెట్టుకోవాలో కొన్ని చిట్కాలు మీకోసం......

1. కుషన్లను శుభ్రపరచడంలో వాక్యూమ్ పద్దతి చాలా సులభమైనటువంటి పద్దతి. వాక్యూమ్ తో క్లీన్ చేయడం ద్వారా కుషన్లలో వున్న దుమ్ము ధూళిని దులిపేయవచ్చు. మీరు ప్రతి రోజూ వాక్యూమ్ చేయడానికి వీలుకాకపోతే కనీసం వారానికి రెండు సార్లైనా వాక్యూమ్ క్లీనింగ్ తప్పనిసరిగా చేయాల్సుంటుంది.
2. వారానికి ఒక సారైనా కుషన్లను ఆరుబయట ఎండలో పెట్టడం మంచిది. ఇలా చేయడం వల్ల అందులో ఉన్న క్రిములను వదలగొట్టి, మలినాల్ని తొలగించి, కుషన్లు పొడిగా ఉండేటట్లు చేస్తుంది ఎండ వేడిమి.
3. కుషన్లు ఎప్పుడూ సున్నితంగా ఉండటానికి కుషన్లను, వాటికి దరించే కుషన్ కవర్లను కూడా అప్పుడప్పుడూ శుభ్రం చేస్తూ ఉండాలి. లేదా డ్రై క్లీన్ చేసినా సరిపోతుంది.
4. ఇంట్లోనే డ్రై క్లీన్ చేయదలచుకుంటే కొన్ని వేడినీళ్ళలో కొద్దిగా డిటర్జెంట్స్ వేసి నానబెట్టి కుషన్లను శుభ్రం చేసుకోవచ్చు. అయితే ఇలా వాష్ చేసే ముందు ఫ్యాబ్రిక్ లేబుల్స్ ను తప్పకుండా చదివి తర్వాత శుభ్రం చేయండి.
5. సోఫాలపై ఇంట్లో పెంపుడు కుక్కలు ఎక్కి మూత్ర విసర్జన చేస్తే అటువంటి మరకలు, సోఫాకు ఆనుకొన్నపుడు అయ్యే తలనూనె మరకలు, ఆహరపు మరకలు పడినప్పుడు వాటిని వెంటనే తొలగించడం మంచిది.
6. కొన్నింటిని ఉతకకుండానే తొలగించవచ్చు అటువంటి మరకలను తడిబట్టతీసుకొని మరకలు ఉన్నచోట బాగా రుద్ది శుభ్రం చేయాలి. ఆ తడిని పోగట్టడానికి ఫ్యాన్ లేదా హెయిర్ డ్రైయ్యర్ ను ఉపయోగిస్తే వెంటనే తడిఆరిపోయి మాములు స్థితికి చేరుకుంటుంది.
7. మీ కుషన్లు చేతితో ఉతికే సౌకర్యవంతంగా ఉంటే మంచి డిటర్జెంట్స్ సోప్స్, లేదా పౌడర్ తో మరకలను తొలగించుకోవచ్చు.
8. పెంపుడు జంతువుల ఇంట్లో పెంచుకొన్నట్లైతే వాటి నుండి వెలువడే వాసలు, మూత్రవిసర్జన వాసనలు బట్టలకు సోకుతాయి. అటువంటప్పుడు వాటిని డిటర్జెంట్ తో రుద్దడం కానీ లేదా క్లోత్ స్ప్రే చేయడం కానీ చేయాలి. లేదా కుషన్లను శుభ్రపరిచే నీటిలో బేకింగ్ పౌడ్ వేసి శుభ్రపరచాలి.
9. కుషన్లుకు ఉన్న చెడు వాసనలను తొలగించడానికి నాఫ్తలీన్ బాల్స్ బాగా పనిచేస్తాయి.
10. ఈ చక్కటి సులభమైన చిట్కాలతో సోఫా కుషన్లను, కుషన్ కవర్లను శుభ్రం చేయాడానికి ప్రయత్నించి చూడండి. వాటిని ఎక్కువగా రుద్దడం నేలకు వేసి కొట్టడం వంటివి చేయకూడదు. అలా చేస్తే కుషన్లు పాడవడం, లేదా షేప్ లెస్ గా తయారవుతాయి.