టాయిలెట్ శుభ్రత ఆరోగ్యకరమైన జీవితం...

అయితే కొంతమంది అతి శుభ్రాన్ని పాటిస్తూ ప్రతిరోజూ మంచి సువాసనగల టాయ్‌లెట్ క్లీనర్స్‌ తో శుభ్రం చేస్తుంటారు. ఇలా అతి జాగ్రత్తవల్ల కూడా ప్రమాదం పొంచి ఉంటుంది. ఒకసారి టాయ్‌లెట్ క్లీనర్‌ ను ఉపయోగించడం వల్ల దాని నుంచి వచ్చే వాసన, దానితోపాటు కంటికి కనిపించని సూక్ష్మక్రిములు చుట్టుప్రక్కల కొద్దిదూరం వరకు కొన్ని గంటల పాటు వ్యాపించి ఉంటాయి. ఆ వాసనలు పీల్చడం వల్ల శ్వాస సంబంధ వ్యాధులు వచ్చే అవకాశం ఉంది.

శుభ్రత లోపించడం, అతి శుభ్రతవల్ల కలిగే ప్రమాదాలు అనేకం వున్నాయి. అలాగే బాత్‌ రూమ్, టాయిలెట్ రూమ్‌ లలో ఒకటి లేదా రెండు పచ్చటి మొక్కలు ఉంచితే మంచిది. ఈ గదుల్లో రోజూ ఒక ఒక్కసారైన కొద్దిసేపు క్యాండిల్ వెలిగిస్తే మంచిది. చాలామంది బాత్ రూం లో సువాసనల కోసం కొన్ని బాత్ రూం పెర్ఫ్యూమ్స్ వాడతారు. అసలు పైన పేర్కొన్నట్లు బాత్ రూం పరిశుభ్రంగా ఉంటే వేరే పెర్ఫ్యూమ్స్ అవసరం ఉండదు, మనం వాడే సబ్బు, షాంపూల వాసనలు సరిపోతాయి. లేదా బేకింగ్ సోడాను కొద్దిగా ప్లేటులో వేసి బాత్ రూం లో పెడితే వాసన రాకుండా ఉంటుంది. ఇలా ఉంటే మనం కొంచెం ఎక్కువసేపు బాత్ రూం లో గడుపుతూ స్నానం చేయడం వలన మనం తాజాదనం ఫీల్ పొందవచ్చు, ఒత్తిడి నుండి ఉపశమనం పొందవచ్చు.

టాయ్‌లెట్‌ లోకి వెంటిలేషన్ బాగా ఉండేట్టు చూసుకోవాలి. గాలి బయటకు, లోపలకి బాగా వచ్చేలా ఉండాలి. ఇందువల్ల గాలి కాలుష్యం కాకుండా ఉంటుంది.బాత్ రూం లలో టూత్‌ బ్రష్‌ లు టాయ్‌ లెట్‌ కి ఆరు అడుగుల దూరంలో ఉంచాలి. ఎందుకంటే టాయ్‌ లెట్‌ ను శుభ్రపరిచే సమయంలో గాలిలో కలిసే సూక్ష్మక్రిములు టూత్‌ బ్రష్‌ ల మీద ప్రభావం చూపించడంవల్ల దంత వ్యాధులు వచ్చే అవకాశం ఉంది. మనం చేతులు కడుక్కున్న తర్వాత ఆ నీటిని నేలపై చిలకరించకూడదు. దీనితో కూడా అనారోగ్యం ఉంది. కాబట్టి పొడి టవల్‌తో శుభ్రంగా చేతులు తుడుచుకోవడం మంచిది.