గృహినికి ఉపయోగపడే వంటింటి చిట్కాలు.....

Improvement

oi-Saraswathi

By Sindhu

Published: Saturday, March 17, 2012, 16:30 [IST]

1. ఖరీదైన గాజుసామాగ్రి శుభ్రం చేస్తున్నప్పుడు చేతిలో నుంచి జారి పగిలిపోకుండా ఉండకుండా వాటిని కాటన్ బట్టలో చుట్టి శుభ్రం చేయాలి.
2. గులాబీ పువ్వులను రేకులు ఊడిపోకుండా ఉండాలంటే పూలు తేగానే ప్రతీ పువ్వు మధ్యన ఒక చుక్క కొబ్బరి నూనె వేయాలి.
3. చింతపండుతో పాటు కొంచెం ఉప్పుకూడా కలిపి రాగి పాత్రలను తోమినట్టైతే తళతళా మెరుస్తాయి. అలాగే ఇత్తడి రాగి పాత్రలను మగ్గిన అరటిపండు గుజ్జుతో తోమితే కోత్తవాటిలా మెరుస్తాయి.
4. చేతికి రానంత చిన్నవై పోయిన సోపుముక్కలు తడి ఆరి ఎండిన తర్వాత సోపు ముక్కలను తురిమి సర్ఫ్ పౌడర్ లతో కలిపి బట్టలు ఉతికితే మంచి సువాసనను కలిగిఉంటాయి బట్టలు.
5. చెప్పులు, బూట్లు కరుస్తూ ఉంటే ఆ భాగానికి పెరుగు రాసి ఒక రాత్రంతా అలాగే ఉంచి ఉదయం ఎండిన పెరుగు దులిపేసి తర్వాత పాదరక్షలు ధరించాలి.
6. ఇంట్లో బొద్దింకలు రాకుండా ఉండాలంటే దోసకాయ చెక్కలను ఎండబెట్టి, వాటిని కప్‌ బోర్డులు, ఆల్మరాలలో ఉంచినట్లయితే బొద్దింకలు లోపలికి చేరవు. అలాగే వంటగది ఆల్మరాల మూలల్లో ఉప్పునీళ్ళను చల్లినట్లయితే చీమలు వచ్చే అవకాశమే లేదు.
7. షోకేస్‌ అద్దాల తలుపులు సులభంగా అటూ ఇటూ తిరగకుండా ఇబ్బంది పెడుతుంటే వాటి చివరలకు కొవ్వొత్తిని రుద్దినట్లయితే ఫలితముంటుంది.
8. ఫ్లాస్కులని ఎంత సుబ్రం చేసినా దుర్వాసన వస్తుంటే మజ్జిగతో కడిగితే సరి.
9. ఆమ్లెట్ రుచిగా.. మృదువుగా రావాలి అంటే గుడ్డు సోన గిలకోట్టేటప్పుడు చెంచా పాలు కలిపితే చాలు.
10. పాలు మరగించేటప్పుడు మీగడ ఎక్కువగా రావాలంటే ఇలా చేసి చూడండి. పాలు కాచే గిన్నె మీద జల్లెడలాగా చిల్లులున్న మూతను ఉంచండి.