బహుమతులు...బహువిధాలుగా ఉపయోగించండి...!

1. బందధువులు, సన్నిహితుల్ని ఏదైనా వేడుకకి ఆహ్వానిస్తున్నప్పుడు కానుకలు తేవద్దని... వారు రావడమే ముఖ్యమనే విషయాన్ని సున్నితంగా తెలపాలి.
2. మన ఆత్మీయుల్లో కొందరు ఫోటోలు బాగా తీయగలరు. ఒంకొందరు చక్కని చిత్తరువులు గీయగలరు. గృహాలంకరణ వస్తువుల తయారీలో సృజన కనబరిచే వారుంటారు. అలాంటి వారితో చనువుంటే మా పెళ్ళి రోజుకు చక్కటి ఫోటోలు తీసి పెట్టండి, మీకు కుదిరినప్పుడు టీపాయ్ మీదకు ఓ పెయింటింగ్ పాట్ చేసివ్వగలరా అంటూ అభ్యర్థించొచ్చు. తమ కళను గుర్తించినందుకు వాళ్లూ సంతోషపడతారు. చక్కగా, కంటికింపుగా ఉండే కళాత్మక వస్తువులు కానుకలుగా అందుకోవచ్చు.
3. ఒకే తరహా వస్తువులు కానుకల రూపంలో అందుతుంటాయి కొన్నిసార్లు. వంటింటి సామాగ్రి, హ్యాండుబ్యాగులు, గృహలంకరణ వస్తువులు లాంటివి ఆ కోవలోకే వస్తాయి. అలాంటివాటిని పక్కన ఉంచేయడం కన్నా... పెద్దమనస్సుతో అవసరమైన వారికి ఇచ్చేయండి.
4. కొందరు దుస్తులు బహుమతిగా ఇస్తుంటారు. అయితే ఆ సైజు, రంగు డిజైను మీకు నచ్చకపోవచ్చు. అలాగని నచ్చలేదని చెప్పలేదని చెప్పలేని పరిస్థితి. అందుకే మీకు కొద్దిగా బిగుతుగా అయ్యిందని చెప్పి చూడండి. అవతలివాళ్లు ముందు నొచ్చుకున్నా. ఆ తర్వాత మార్చుకొనే అవకాశం ఉందని గుర్తు చేస్తారు.
5. గిప్ట్ కాగితం కూడా తెరవని బహుమతులు అలా ఉండిపోయాయి.... ఏం చేయాలో తెలియడం లేదు అంటుంటారు కొందరు. వాటిని పరిశీలించి, సన్నిహితుల పుట్టిన రోజులు, పెళ్ళి రోజులప్పుడు వారికి కానుకగా ఇచ్చే ప్రయత్నం చేయొచ్చు.
6. గోడ చిత్రాలు, పింగాణీ పాత్రలు, గడియారాలు, షోకేసుల్లో పెట్టుకునే గాజు బొమ్మల వంటివి సాధారణంగా బహుమతులుగా వస్తుంటాయి. ఈ విషయం గుర్తించుకొని కానుకలను ఇంటికి చేరవేసేప్పుడు తగు జాగ్రత్తలు తీసుకోవాలి. లేదంటే అవి రూపురేఖల్ని కోల్పోతాయి.