వేసవిలో ఇల్లు చల్ల...చల్లగా ఉండాలంటే లైట్ షేడ్సే బెటర్....

Improvement

oi-Saraswathi

By Sindhu

Published: Saturday, March 10, 2012, 13:14 [IST]

వేసవిలో మీ ఇల్లు సెగలు గక్కుతూ వేడిపుట్టించడం సహజమే.. అయితే నిర్మాణ సమయంలో కొన్ని జాగ్రత్తలు తీసుకుని, డీజైన్‌ లో మార్పులు చేస్తే మీ ఇంటిని చల్ల చల్లగా ఆహ్లాదంగా ఉంచుకోవచ్చు. ఎండా కాలం వచ్చిందంటే చాలు పెరిగిపోతున్న ఉష్ణోగ్రతను తట్టుకునేందుకు ప్రజలు నానా ఇబ్బందులు పడతుంటారు. రూం టెంపరేచర్‌ తగ్గించేందుకు పలు ప్రయత్నాలు చేస్తుంటారు. ఇంటి టెంపరేచర్‌ ను వీలయినంత తక్కువగా ఉంచేందుకు మొదటగా చేయాల్సింది మీ ఇంటికి గాలి ఏ దిశగా వెళుతుందో ముందుగా గమనించాలి. తర్వాత ఆ దిశగానే అన్ని గదులకు క్రాస్‌ వెంటిలేషన్‌ ను ఏర్పాటు చేసుకోవాలి.

ఇంటి తలుపులు కిటికీలు కరెక్టు డైరెక్షన్‌ లో ఉండే విధంగా అమర్చుకోవాలి. ఇల్లు నిర్మాణంలో ఉంటే కనుక ఇంటీరియర్‌ డీజైనర్‌ తో సంప్రదించి పాల్‌ సీలింగ్‌ ఏర్పాటు చేసుకోవడం కూడా ఒక మార్గం‌. ఇంకొక మంచి మార్గం ఏంటంటే ఇంటి ముందు చిన్న గార్డెన్‌ ను నిర్మించుకోవడం. ఇంట్లో చల్లదనం...ఆహ్లాదంగా ఉంటుంది.

అలాగే ఇంటిలోని ఫ్లోరింగ్‌ పై నీటిని పోసి గదిని చల్లబర్చుకోవచ్చు. నీరు ఆవిరయి గది అంతా పాకి ఎయిర్‌ కూల్‌ ఎఫెక్ట్‌ ఇస్తుందని ఇదే అతి చౌక అయిన పద్ధతి. ఇంటి నిర్మాణం చేపట్టేటప్పుడు గదులు చల్లగాఉండాలంటే .. కాంక్రీట్‌ తక్కువగా వాడి.. ఎక్కువ మొత్తంలో ఇటుకలు వాడిలే ఇల్లు చల్లగా ఉంటుంది. గోడలకు వేసే రంగులు కూడా లైట్‌ షెడ్‌ లో ఉండే రంగులు వాడటం ఉత్తమమం. ముఖ్యంగా ఆరెంజ్‌, పసుపు, తెలుపు రంగులను వాడటం ఉత్తమమం. ఇంటి చుట్టుపక్కల ఖాళీ స్థలంలో వరండా, గార్డెన్‌, ఇంటి చుట్టుపక్కల నీరు నిలువ ఉండే విధంగా (వాటర్‌ బాడీస్‌) ఉంటే వాటి ద్వారా గాలి పరిభ్రమించి ఎండ వేడిమిని తగ్గిస్తుంది.

ఇంటిని చల్లగా ఉంచేందుకు ఎయిర్‌ కండిష్‌ ఏర్పాటు చేయాలనకుంటే విద్యుత్‌ ఆదా చేసే కంష్రెషర్‌ తో పాటు గ్రీన్‌ సర్టిఫికేట్‌ ఉండే ఏసీలనే వాడాలి. ఇంటి ఫర్నిచర్‌ ను లెదర్‌ వి కాకుండా సంప్రదాయబద్ధమైన వెదురుతో చేసిన కేన్‌ ఫర్నిచర్‌ ను వాడటం ఉత్తమమం.